صورةتم ألتقاطهافي أحد دور الأيتام لطفل رسم والدته ع الارض ونام بحضنها!!

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة الذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..
استوقفني!

ابيك انتي ولا غيرك على موتك تعزيني


وضميني وداويني مثل ما كانت الهقوات


ما ابي احدن يواسيني ابيك انتي تواسيني


دخيلك بس لا تبكي اذا شفتي بي الدمعات


انا مقوى ابكيك اذا انتي تبكيني ..
نص رائع جداً سلمت يداك اميرة

مودتي لك وودي

__________________

موضوع رائع ومميز

__________________
[flash1=http://www.m5zn.com/flash.php?src=14942194.swf]WIDTH=400 HEIGHT=600[/flash1]

اعذروني على انقطاعي النت فصل

طرح غاية في التميز
سلمت يمناك
كل الشكر.........

__________________
[align=center][flash=http://dc02.arabsh.com/i/01935/0lji3zf27uke.swf]WIDTH=440 HEIGHT=220[/flash][/align]

__________________

اميرة الاذكيااااء

هذا الطفل مايبقى نظره الشفقاان
ولا نااس تعطف عليه وقت وتعطية الحنااان
يبقى ام تضمة في ادفىء الاحضاان
وتحضنة من صعيق البرد ومايقول انا برداان
انا تعباان انا اللي قتلتني اللياالي والازماان
ان طفل يتييم ورموني بداار الايتااام
بعد ماكنت ولد الشيخ افلاااان
سموني ولد الدار الحيراان

بقلمي بهذه اللحضااات

ويبقى في القلب الكثيير ..لاتكفية الصفحاات
سلمت انااملك
دمت بحفظ الله ورعاايته

حنييين

__________________

طرح جميل,كلمات قويه ومؤثره.أصعب فراق ,فراق الطفل لامه.
موضوع يستحق الاهتمام بالاطفال اليتامى.
أمووووووره لك الشكروالتقدير.

__________________

رااائعة ومؤلمة
سلمت يمناكي وماجابت
يعطيك العافية

ابيك انتي ولا غيرك على موتك تعزيني


وضميني وداويني مثل ما كانت الهقوات


ما ابي احدن يواسيني ابيك انتي تواسيني


دخيلك بس لا تبكي اذا شفتي بي الدمعات


انا مقوى ابكيك اذا انتي تبكيني ..
نص رائع ومؤلم جداً سلمت يداك اميرة

مودتي لك وودي





طااقم طـــــائرة الكابتن الحـــظ

__________________

لولو الحالمة

__________________