مما بروحي لا أزعج الصوت وادعيه
غديه يسمع صيحتـي مـن عذابـه
اللي هجرني ما درى ويش أنا فيـه
أقفـا وقفـي مـا يـرد الإِجـابـه
لولا الحيا .. ثوبي من الغبن لا أفريه
وأجدع هدومٍ .. ما وقتنـي حرابـه
وأبكي وأبكي من شكى ظلم غاليـه
واللي فقد شوف الأهل .. والقرابـه
وأصفق بكفٍ وأتبع الصبـر باقيـه
وأقول تكفى .. وآصلـه حـد بابـه
وأجعل ظلام الياس نور الرجا فيـه
وأتبع ولو في القاع مغوي سرابـه
عل الرجا يلحق على الطول راجيـه
والا جريح الحـب يشفـى صوابـه

__________________
[flash=http://dc05.arabsh.com/i/02495/b74pmb6ul2jk.swf]WIDTH=450 HEIGHT=270[/flash]

داخلي ليلٍ حجب مطلـع الشمـس
وفي داخلك شمس نست ليل همـي
لا مابقى لي صوت وماعاد به همس
ضاع الحكي مابيـن قلبـي وفمـي
يامن عطيته القلب بأصابعي الخمس
ضمي بحنانك ضايق الصدر ضمـي
يافرحتي باكـر ويامدمعـي امـس
بين الرجا واليـاس بقـول سمـي
ابنتظر باكر عسى تطلـع الشمـس
تنحي الظلام ويقتـل النـور همـي

__________________
[flash=http://dc05.arabsh.com/i/02495/b74pmb6ul2jk.swf]WIDTH=450 HEIGHT=270[/flash]

هنا للـوجع طعمـاً آخــر

هنـا للحزن نكهة أخــرى

هنـا أستطيع أن أبكــي

وأدعـي أن دموعي هي قطرات بحر مالحــة

عشقــت وجنتاي فأتت لتقبلهمــا

فلمـاذا لا أستطيع أن أرسم الوجع مع قلبــي؟؟

رسمتــك يا قلبي علــى رمل البحــر

وأنــا أتذكر أغنية فــيروز

(بكتب اسمك ياحبيبى ع الحور العتيق

تكتب اسمى يا حبيبى ع رمل الطريق ...)

__________________
[flash=http://dc05.arabsh.com/i/02495/b74pmb6ul2jk.swf]WIDTH=450 HEIGHT=270[/flash]

يا ما حلا الفنجال مع سيحـة البـال
في مجلسن مـا فيـه نفسـه ثقيلـه
هـذا ولـد عـم وهـذا ولـد خـال
وهـذا رفيـق مـا لقينـا مثيـلـه
يـا ليـت رجـال يبـدل بـرجـال
ويا ليت في بـدلا الرياجيـل حليـه
يا بو هلا طير الهوى خبـث البـال
الطيـر نـزر والحبـارى قليـلـه
يا الله يا اللي طالبه مـا بعـد فـال
يا اللي من الضيفات نجـى دخيلـه
أفرج لمن قلبـه غـدا فيـه ولـوال
والنـوم مـا جـا عينـه الا قليلـه
لا من ذكرت ارموس عصر لنـا زال
شوف الفياض وفقـد عـز القبيلـه
يا زيـن شدتهـم آليـا روح المـال
يتلـون بـراق حـقـوق مخيـلـه
يسقى خصيفا والثمان أرضها سـال
مرتع معطـره السيـوف الصقيلـه
عجمان لا ركبوا على كـل شمـلال
يفرح بهم راعـى النيـاق الهزيلـه
من جو ساقان إلـى السيـف همـال
وينـوش حسنـا والرديفـة هميلـه
ولا قادنا مـن يمـه القفـر خيـال
يصبح شديد البـدو عجـل رحيلـه
قاد السلف واستجنبوا كـل مشـوال
والعصر يـا محـلا تخيبـط نزيلـه
وإن شرف البادي على روس الأقذال
والمـا كثـر الـزول زود جفيـلـه
تلافحت مـا بينـا شهـب الاذيـال
ومن ضيع المفتاح يـا عزتـى لـه
ركبوا علـى طوعاتهـم كـل عيـال
وكل لبلج يحـرى بكسـب النفيلـه
تغانمـوا المفـزاع ذربيـن الافعـال
من قبل تسبـق غـارة تنثنـى لـه
يبغون طوعه روسهن قبـل الادمـال
وتغانمـوا خلـف كثيـر هجيـلـه
وحال الكمى من دون عطرات الاجهال
ومروا ولحقـوا مقحميـن الدبيلـه
واللى تريض عقبهم يلبـس الشـال
مـن صـنـع داود دروع ثقيـلـه
يلزم عليهـم علـة عقـب الانهـال
ومن غارتـه لـزم يضيـع دليلـه
والدم من قحص الرمك يثعل اثعـال
يزعج على وروك السبايـا وشيلـه
هذى براعيها مـن المعرقـه مالـه
وهذى شكلهـا مطـرق مـا تشيلـه
من وقع كـل مجـرب قدلـه افعـال
وفـروخ صـاد الحبـارى فصيلـه
وليا ركبنـا فـوق عجـلات الازوال
وبايمنا حـدب السيـوف الصقيلـه
وما حن نحسب لا شتبك عج واكتـال
وتـرك صبـى يفتنـع بالفشيـلـه
وصلاة ربـي عـد مـا زايـل زال
على نبى الحـق راعـى الفضيلـه

__________________
[flash=http://dc05.arabsh.com/i/02495/b74pmb6ul2jk.swf]WIDTH=450 HEIGHT=270[/flash]

الطفــوله ..

أحلى مافي هالحياه

مرحله من غير هم

كنـّا دايم نبتسم

كنـّا حتى لو بكينا ...

وجارت الدنيا علينا

بعد لحظـات وثواني ...

بسمه فينا ترتســم

كنـّا نركض

خلف كوره ... ( لا لا أنا ماكنت معهم؟ )

وحدي بس بعيد عنهم ... كنت أنا أضحك عليهم ...

جالس لحالي أهذري... جالس أحسب كم( كوبري )...

صلـّحه( أحمد ) في ( ماجد ) ؟؟

والله واجد!!

وقبل ما يحل الظلام ...

للبيوت نروح نجري ... ( لا لا أنا ماكنت معهم ! )

أمشي وحدي بعيد عنهم ... أمشي وأعدد أثرهم!

وهم عني يبعدون ...

يبعدون ... يبعدون ...

إلا( ماجد )!

كان مثلي حيل ضايق ...

بس حزنـي كــان حارق

كان يسألني ببراءه : ...

ليش تعرج ؟ ... قلت مادري ! - باستياء -

ليش تبكي ؟ قلت مابكي - بكبرياء -

ضاق مني ...

ثم سألني في غباء ...

قال ( وثرايك تـثــابق )؟

وراح عنــّــي ... !!

كنت أسأل دوم نفسي ...

ليش ما أركض معاهم ؟؟

ليش دوم أمشي وراهم ؟؟

وش

بلاي ؟؟ أو وش بلاهم ؟؟

ليه أنا غير الأنام ؟؟

زاحمتني الأسئله...

كل شيٍ أجهله ؟

وإن تعبت من الإجـــابه...

أحظن الحيـــره وأنام


]

مرّت سنين وكبرت ...

صار همّي اليوم أكبر

حتى دمعي صار أكثر

للأسف توي قدرت ...

أفهم إني شخص ( عاجز )!

يعني بيني وبينكم

مليون حاجـــز !!!

صدقوني ذي حقيقه ...

لا طلعت السوق ... كل ما أمشي دقيقه

القى كل شوي أبله !

يمشي ويناظر صديقه ...

ويغمز له

يقول : ناظر...!

وش يناظر ؟؟

وتتفجّــر في خفوقي

ألف ضيقه

ووحده في وسط الزحام ....

طالعتني باهتمام ...

بنت في عمر الزهور ...

أي رشاقه ... وأي أناقه ...

وأي عطـــور !!

قلت في نفسي ياهووووه

هي تناظرني بغرام ؟

أو هي نظره والسلام ؟

بس أكيد إنها تعرفني ... شايفتني ؟

شايفتني في جريده ؟

واعجبتها لي قصيده ؟

إيييييه أنا توي افتكرت

...

لي قصيده ...

كنت ناشر معها صوره

بس صوره ... ياسلااااام

وفاجأتني ...

لمـّا صارت لي قريبه ...

كانت تـتمـتم بطيبه

{يكسر الخاطــر حـــرااااام ) !!!!!

وتركت دمعه غريبه ...

وضاعت بوسط الزحــام

دمعه كانت تحكي وضعي ... زلزلتني

ارتطم قلبي بضلعي ... دمرتني

صدقوني ...

أصعب اللحظــات وأقسى

لاغدا الرجـّــــال يكسر ... خاطر انثى

كيف ينسى ؟؟؟

جاوبوني !

وزاد همّــي ...

يوم فكــّـرت بوظيفه ... ثم زواج

أي وظيفه ... وأي زواج ؟؟

اللــي مثـلي ...

مهما طالب ... لويلف ولو يدور

زين لو حطـــّــوه كــاتب
لا
... وعلى بنــد الأجـــــــور ....

ماهو رسمي !!!

صدقوني لو تدرّج ... وصار راتبه ايتصاعد

وابتــدا وضعه يزين

ما أظنه بيتزوّج ... حتى لو بعد التقاعد


>>وفي النهــايه ...

يابلــدنا... مهما كانت( تسميتـنا )

عاجزين ...( معوّقين )

لك عهدنا... وذا قسمنا:

>>

أقسم بالله العظيم ... منزل الذكر الحكيم

أن أصونــك يابلادي ... من شرور العابثين

من مطامع كل حاسد ... من نوايا كل فاســد

وإني لك حصنٍ حصين

إنتي ناديني وشوفي ... لا نويتي بالجهــاد

والله أقهر لك ظروفي ... دامك إنتي لي بــــلاد

وباسم كل العاجزين ...

دام فينا أصبع يطول الزنـــاد

لا يهمــّـك يابلادي ...

وازهليهــــــــا
::

::

ابكتني كثيرا هذه القصيده

__________________
[flash=http://dc05.arabsh.com/i/02495/b74pmb6ul2jk.swf]WIDTH=450 HEIGHT=270[/flash]

أبي أغيض برد الشتاء
"وأنا أحضنك"..
لامعطف يدفيني ولانار وحطب ..
"أبي حضنك "يدفي برد الضلوع ..
وأبي أتنفس أنفاسك وأذوووب..
((وأقوووول للشتاء))
ليت فصلك يطول ..
لجل أبقى،،
" بحضن حبيبي"
على طول

__________________
[flash=http://dc05.arabsh.com/i/02495/b74pmb6ul2jk.swf]WIDTH=450 HEIGHT=270[/flash]

سجل حظوري بعد غيابي

__________________
[flash=http://dc05.arabsh.com/i/02495/b74pmb6ul2jk.swf]WIDTH=450 HEIGHT=270[/flash]