[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
عقب البطا لاقيت ظافي الجديلات = ياليتنا عقب البطاماالتقينا
سلمت وقلت لنور عيني سلامات = وش غيًرك ويش السبب ما تبينا
دنق وقال ارجوك إنه العلاقات= شيٍ حصل ماعادهو في يدينا
قلت السبب قال الليالي غريبات = إنه العلاقه واعتبرناانتهينا
انا بحبل انسان ماهي دعايات = ارجوك ابعد خايف انًه يجينا
طالعت فيه وهلت العين عبرات = في ساعةٍ غصبٍ علينا بكينا
حاولت اعبر عن همومٍ خفيات = بس الحكي شيفيد مهما حكينا
كتمتهن بالجوف لوهن قويات= راضي على ماصارلو مارضينا
وآخر كلامه قال لي كم كلمات = لاتسيء ضنك في غصبٍ علينا
ولف العباه وراح وانا بحسرات = فرقاً جرت من غير ذنبٍ جنينا
وقفت اخايل غض الأنهاد لحظات = فيهن تهدم كل شيٍ بنينا
وقمت اتذكر كل شيٍ لنا فات = قبل ايتغيربالمحبه حدينا
ياما سهرنا بأظلم الليل ساعات = وياما طلع نور الفجرمادرينا
وياما لنا فوق المراقيب ذكرات = وعلى جبال الزور ياما رقينا
وياما تحملنا الصعوبات مرات= وياما على سودالليالي شكينا
على زمانٍ فات جريت ونات = لو هن على ضلعان مكه تلينا
اقرا الموادع بالقصص والروايات = لاشك ماضنيت بيصير فين
وارجع واكرر كلمةٍ لي بسكات = ياليتنا عقب البطاماالتقينا
[/poem]
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
تكررت عقب البطا والتقينا = من عقب مامرن سنينٍ طويلات
في صدفةٍ فيها حشا مادرينا = ولاهقينا نلتقي عقب مافات
لاشك جابتها الليالي وجينا = رغم الفراق ورغم ذيك المسافات
في موقٍف بان التوتر علينا = لحظه تلين إبها القلوب القويات
قالت شلونك قلت ربك عوينا = الحمد لله عاضني عقب لوعات
الله رزقني في هنوفٍ تبينا = احيت خفوقٍ كان بعداد الأموات
هي نور عيني فرحتي والضنينا = ألقابها عن ظيقة الصدر سجات
قالت سليت وقلت عقبك سلينا = لكن عقب مالاعنا الحب مرات
قالت شلون وقلت لاتسألينا = مافات فات ولا تفيد الحسوفات
قالت تكلم قلت مهما حكينا = الدمع ماينفع عزيزٍاليا مات
[/poem]

[align=center]
قصيدة جمل اخي القلم الاذع
اشكر لك هذا التواجد
وكل عام وانتم بخير
تنبيه بسيط:
اخي من شروط المنتدى ذكر اسم الشاعر او الكتابة تحت النص كلمه (منقول)
واعذرني فعند تنسيق القصيدة لك لم اجدها وكتبتها بدلا عنك
وعليك بمراجعه الرابط ادناه
http://www.khorh.com/vb/showthread.php?t=38656
[/align]

صح لسان قايلها وسلمت يد ناقلها
شـكــ وبارك الله فيك ـــرا لك ... لك مني أجمل تحية .