هذه القصيدة للشاعر خالد بن مدعث الدوسري وهي قديمه ونشرها لحلاوتها ومعانيها الجميله
كل ما فاضت عيوني باشت الأضلاع غنا * الموارد فى الضلوع وكل ضلع فيه ونه
والتمنى ما يحقق هقوت القلب إن تمنى * بس قلبى ما يداني تبعد الهقوات منه
واوجودي وجد من جلى عن دياره مجنى * تو عمره عشر واربع والليالى ما تحنه
ما وراه إلا عجوز واخته وعود مسنا * بين فقر وبين دين وبين ضيم وبين منه
ما ذبحهم غير دمع من الغبينه ما يكنا * ويل من سود الليالى بالمصايب يبتلنه
راح مثل الذيب وهبلته حياة الذيب ظنا * وآمن والموت يومه بين مخلابه وسنه
راح ينقل دم قلبه ونضواه الليل ونا * الذيابه مروحاته والسيوف يدورنه
لا ذكر دم القرايب عانق البيدا وثنا * وان تذكر ضحكة امه زاغ قلبه من مغنه
ما يلوعه فى حشاه إلا ليا شاف البرق سنا * غاب عشر سنين مابه من يرد العلم عنه
إن حداه الخوف منا هزت الأشواق منا * يوم طال الوقت عود للديار اللى ربنه
قال مادام المذله والبلاوي يبتلنا * والله إن الموت فى لوطان بين الربع جنه
يوم وقف فى المنازل ما لقى بيت مبنا * غير بيت للهبايب والذراوى يلعبنه
راح يمه كنه اللى ضاربه رمح مطنا * واعذابه مادرى إن سهوم بقعا يحترنه
يوم قرب سامع له صوت مناله يحنا * حصل امه عندها ضيف يقول الموت سنه
قال يمه قالت اعيونى من الدمع إنعمنا * قال بويه قالت اطوال النصايب قد خذنه
قال أختى قالت اقفى القوم باختك مع ظعنا* قال ربعى قالت اسنين المجاعه فرقنه
قال جيتك قالت ان الموت ماظنى تونا * واستلمها نازع ارواح روحن مرجهنه
ثم صاح من التفرق صيحة اللى فيه جنا * دق صدره وانطزى من حر مابه طى شنه
كل هذا حال قلب من خلقه الله معنا * الهموم يوكلنه والروابع يوكلنه
ليه ادور للسبايب والسبب فينا ومنا * النفوس وما تسوى واليدين وما حصدنه
لا تسودنا الخطايا نلحق الشرهة منا * ما جزانا غلا عملنا والخلايق يثبتنه
منقول
01-04-2010, 02:14 PM
ل ما فاضت عيوني
]
Similar Threads
Linear Mode
