بسم الله الرحمن الرحيم

((( يا عابد الدينار )))

[poem=font="Arial,6,black,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
للفاض حسنَّها وخل اللقافه=وشفيك يا مخلوق ضايق وملقوف
ماتدري انك في بريدي اضافه=ماغير ضغطت زر وتصير محذوف
ترى كثير الهرج ماحد يخافه=من زاد هرجه قالوا الناس سفسوف
بينه وبين اهل المراجل مسافه=لن الردي بين الرجاجيل معروف
لا اقبل عليهم يرقبون انصرافه=وليا انصرف من مجلسه ماله اشفوف
ما ينقبل كود المجامل وشافه=دايم ودربه بالفسالات محفوف
هرجه هزيل ويمتدح بالخرافه=كثر الدريف يخلَّي الهرج معيوف
ما كل من يهرج بهرجه طرافه=ثقيل هرج الحشم له هرج مقطوف
ذيب الغدر تبعد خطاوي مطافه=والثعل ثعل ولا مشاء مشي مخفوف
الذيب يتعشاء شواها ولافه=والثعل يتعشاء عشاء ذيب مليوف
لا واحسافه يا زمان الحسافه=فيك المغطى يا زمن صار مكشوف
الناس كانت كل فاهي تعافه=واليوم قد هو شي عادي ومألوف
من كان قبل اليوم هابي مضافه=وقت البقش خلاه بالناس مضيوف
لا من ترشح في زمان الكلافه=كلن يصوَّت له من الجوع مكلوف
ويطول عنقه مثل عنق الزرافه=بالمنصب اللي حاز فارح ومهفوف
تلقاه بوراق الكتب والصحافه=وبشاشة التلفاز له وجه معطوف
الله واكبر يا زمان اللخلافه=الأمن سايد كان لا جوع لاخوف
لا اتزخرفت دنياك لك بالسخافه=يا عابد الدينار لك يوم وتشوف
تلقى زخارفهاء بعينك لُفافه=من حين توطي القبر بقماش ملفوف
لا زوج لا اولاد لا اهل دافه=لا جاه لا منصب ولا بيت مسقوف
تذهب وخلَّفت الذهب والصرافه=وتلقى عملك بحفرة القبر مصروف[/poem]

__________________
[flash1=http://des4you.net/vb/uploaded/1211_manba3.swf]WIDTH=400 HEIGHT=350[/flash1]

يعطيك العافيه اخوي منبع الشعر على هذه الكلمات الاكثر من رائعه ماقصرت وننتضر جديدك

اخوك صقر شبوة

__________________
[CENTER][flash=http://flash01.arabsh.com/uploads/flash/2013/09/05/0d37414865fa.swf]WIDTH=600 HEIGHT=370[/flash]

ابدعت اخوي --------دمت ودام ابداعك

__________________


لا تخليني على الدنيا وحيد ===== لا تشوفك عين ولا اذن تسمعك
هي حدى ثنتين ما عنها تحيد ===== ياتقوم نطير 00ياخذني معك

مبدع يا الحارثي صح لسانك وعلا شانك

شاعر كبير ...حللت اهلا ووطأت سهلا

ومرحبا بك الف الدار دارك......