[align=center][table1="width:85%;background-color:black;border:6px double chocolate;"][cell="filter:;"][align=center]
جيت تسأل ياحبيبي بذمتك منهو تكون .....؟
وقمت أضحك من سؤالك مبتسم يومك لفيت

قلت أسمع ياوليفي.. خابرك شخصٍ .. تمون
أنت فرحي وأنت حزني وانت دمعي لابكيت

وأنت في جمله قصيره رمش عيني والعيون
وأنت في كل الدقايق فكري لامني .. سهيت

وإنت شعري والقصايد وأنت عزفي والفنون
وانت حظي وأمنياتي يومي أتمنى .. وجيت

وأنت لي نظرة و بسمه بإنطواءات الجفون
وإنت .. لي خدٍ تطوى بإبتساماته .. حييت

وأنت جوّي لاستوالي بالسحايب والمزون
وأنت قطرة فوق صدري منها مره ما رتويت

خذني الطفل المدلّع وسط حضنك يالحنون
وأخذك دربٍ طويل ما أتعبه مهما مشيت

من غرامك ياغرامي أصل لحد..الجنون
وأنت تسأل إب/براءه مادريت إلا دريت

تدري إني في غيابك أفقد أعصابي وأكون
من غيابك ياأميرتي قد تكلمت .. وشكيت

دمعتي سالت عشانك كني باأوساط السجون
ناحلٍٍ جسمي بحبك فوق هذا .. ما أكتفيت

لو يهون الكل عندي إنت شخصك ما يهون
لانك أغلا ماملكته في حياتي.... واحتويت

ياسبب دائي /ودوايه /ياعلاجي /والطعون
ياسبب شفة طعوني ... إبعلاجاتك شفيت

البشر عندي ظلامٍ.. وأنت عندي نور كون
والبعض عندي صباحٍ وأنت ليلٍ به سريت

إنت عندي نبع صافي وغيرك نبوعه بدون
وأنت عندي حكيي شيخٍ مانطق كلمة ياليت

كل هذا ياحبيبي وجاي تسأل من تكون ....؟
أنت فرحي وانت حزني وأنت دمعي لابكيت



[/align][/cell][/table1][/align]

__________________

المبدعة وجــــــــــــــود

كلمات قمه في الروعه والتميز

سلمت يمناك على هذه القصيده الذهبيه والألماسيه

تحياتي العطره

__________________

القديرة وجــــود
الله الله ياسلام ما اجمل هذه الابيات
سلمت يمناك على رووعة ذائقتك
تميز وعطاء لاحدود لهما
يعطيك الف عافية مبدعتنا
تحية مكلله لروحك

__________________

لولو الحالمة

خذني الطفل المدلّع وسط حضنك يالحنون
وأخذك دربٍ طويل ما أتعبه مهما مشيت

من غرامك ياغرامي أصل لحد..الجنون
وأنت تسأل إب/براءه مادريت إلا دريت

روعاتك ياوجود
سلم ذوقك على الانقتاء الرائع
مودتي لك

__________________