اعترف بالحب

أحبك.. وادري اللي يقولها بالأول .. باع قلبه
وادري اعتراف الحب ما تكفّيه كلمة .. أحبك

الحب.. قول وفعل وفكر.. بإحساس تصدق به
إلين المشاعر تذوب مع هالحب وتصب بقلبك

الحب.. انت أبوه وطفله.. وانت طيبه.. وذنبه
باختصار .. لاتلوم الحب وتظلمه على ذنبك

الحب.. منبعه صافي عذب في زمنّا نسيّلّ به
لو تعكّرت تعكّرلك ولو صفيت له.. صفا بك

الحب.. صخرة في أعلى جبل والريح ماتِلْعَبّه
الرياح تصفق بالجبال ويرجع هواها يلعبَّك

الحب.. أحلى مافيه.. كلّه.. بكل ظاهره ولبّه
ولا فينا نعيبه.. والعيب.. يابقلبي يابقلبك

الحب.. ماله عيوب بس عيب الصدق.. كذبة
والكذب كلّه عيوب.. وعيبي حبيبي.. أحبك


بقلمي



بس لاتنسوني من التقيييم

روعة يا امير

بوح اميري مميز تفتح كالورود الندية

ابدعت اخوي ونسيجت من ضوء القمر عقود من الماس

رائع ان نعطي اقلامنا مساحات بلا حدود

لكي تعانق رموز الجمال بكل شموخ

ابشر بالتقييم لانك تستحقه