من وين أجيب لعيوني دَمعْ

من وين أجيب لعيوني دَمعْ






و إن مرّني منك ليلٍ ما يخاف النور ,
من وين أجيب لعيوني دمعْ .. و أبكي لكْ ؟

لا تسافر .. الما يموت .. و ينشف العصفورْ ,
و الريح تصمُتْ .. و ذِيبَةْ رملي تعوي لكْ !

محتاجك , أكثرْ من أوقف و السنين : تدورْ
و أكثر من إني تَعَبْ كل ليله أسري لكْ !

محتاج أفضفض لقلبك عن ثلاث شهورْ ,
و عن حلم عاري .. لقى حتفَهْ يغنّي لك !

كل ما نسيتكْ .. ذكَرْك الخاطر المكسورْ ,
ياا سُخفْ عذري .. و يا حظّ أضلعي بـ ويلكْ !

جرِّب تنام .. بيديك .. و لا معاك غرورْ
عشاني .. جرّب ثواني , و شفْ شسوّي لكْ :

بـ أهديك باب .. و دُعا / خفَّاقْ / شِعْرْ / طيورْ !
يمكنّك شوي .. تدري شكثر حبّي لكْ !

و البارحه .. ما هَجَدْتْ و لا حَوَتْني الدُّورْ ,
ما غير أشتّمْ غيابك .. و أرجَعْ أشكي لكْ !

بلحالي .. كِنِّي الفقير .. و كِنّ زَعَلْكْ السُّورْ ,
كل ما بغيت أشحذك .. هجَّتْ محاصيلَكْ !

بشويش قل لي : شَسَوِّيْ .. و أجْمَعَ المنثُورْ
بس انت آمر .. و أنا بـ هبالي .. كلِّيْ لكْ !

ودِّي أكونِكْ .. و إنت تكونني .. و بالدّورْ :
أنا أحضُنَكْ بُنّ .. و انت تضُمّني هيلكْ !

ما هو بـ وقت لـ تغلِّي .. سيِّدي المَمْطُورْ
بالحُسنْ / .. و أمَّ المسافة تنتخي بـ خيلكْ !

العُمرْ : دفتر ْ.. و أيـّام الوصال سطورْ ,
يا دفتر العُمرْ .. لا تحرمني سطري لكْ !

ثلاثة شهور .. و الوحده بليـّا شعُورْ ,
تهدّ بي حلم .. و أرجع كلّي أبْني لكْ !

لله ... قل لي : إذا مَرّيتني بـ غرورْ :
من وين أجيب لعيوني دَمعْ .. و أبكي لكْ ؟!



مما راق لي

تسلم الايادي اخوي جاسم على الاختيار الراقي

معاني عذبة واحاسيس رقيقة كلك ذوق

دمت في حفظ المولى ورعايته

اختيار رائع ومشاعر رقيقه دام قلمك

طرح يستحق باقة ورد
كل الشكر..........

رااااااااااااااائعة
راااقت لي ايضا بقوووه
استمتعت بقرائتها
يعطيك الف عافية
لاعدمناك

بسم الله الرحمن الرحيم
السلام عليكم ورحمة الله تعالى وبركاته
الإخوة والأخوات الكرام
مروركم أبهجني
وكلماتكم رواء يزهر بين نداءات حياة
شكراً جزيلاً لكم
على تشريفكم الرائع
دمتم برعاية الله سبحانه تعالى وحفظه

سلمت اناملك ع الطرح الرائع
انتظر ابداعاتك القادمة
وردى لروحك