قصيدة رثاء في الشهيد صدام حسين

ويه الفجر
يوم العيد
واي نحر النحور
صدام قدم للوطن روحه
إجاء مثل ألأسد مجروح
يمشي وتضحك جروحه
هم شايف جبل ينكاد
وإذا شفت الجبل مجيود
تلكه العله بسفوحه
مثل النخل مات وقوف
شاخص شامخه صروحه
لو هيجي الرجال تموت
لو غم الرجال بموت ماصخ مابه ملوحه
بجيت وما بجيت عليك
بجيت على الزمان الضمك بلوحه
بكاء حتى الفرات عليك
ونهر دجله إنتحر موحه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه
رغد يا رغد لا تبكين
بس دمعة حزن للزين مسموحه
أبوك ألكتب إسمه بجبهة التاريخ
كعبة الوطن عنده وعاليه سطوحه
الزمن يشهد لأبو ألليثين
ولو آنه شهادتي بصدام مجروحه
ما دنك براسه وإنحنى للجلاد
رغم سلسلوا رجله وشدوا جفوفه
رفض يلبس نقاب الموت
وضحك على الموت سنه وعيننه تشوفه
اجل والله يتباهى يسجل التاريخ
عنه وتكتب حروفه
مو حبل العلى الركبه طلع ملفوف
ركبه على الحبل طلعت الملفوفه
إذا ًحقها العرب تحزن عليه وتنوح
وكع خيالها والشمس مكسوفه
من زغره عجيد وضد الأستعمار
ابوج الوصل سابع جار معروفه
وإذا البصره حزنت مصباح يوم العيد
يم تكريت طلعت تلطم الكوفه
وإجت نينوى محنية ظهر وتصيح
وين ابن الرمادي الباشطه سيوفه
سووها العلوج ودنسوا بغداد
وعاصمة الرشيد اصبحت مجتوفه
إذا ً تستاهل عليك ينوح
شاعر ما بطل نوحه
لأن إنته الوحيد إلذي خليت
المشانق للرجال تصير مرجوحه

مشكور اخي الكريم بعطاءك دائما

حليم الشاعر

ورحم الله الشهيد صدام حسين

المشاركة الأصلية كتبت بواسطة اسير الغربه

مشكور اخي الكريم بعطاءك دائما

حليم الشاعر

ورحم الله الشهيد صدام حسين

اخي اشكرك على متابعتك الرائعه
دمت لنا

طرح ولا اروع
كل الشكر........