قصيدة الشاعر السعودي ... شفلوت الوادعي ...والجواي من علوي بن عبدالله بن جرادن

.....السلام عليكم ورحمة الله وبركاته.......
الاخوه الكرام اود اقدم لكم هذه القصيده من كلمات الشاعر /شفلوت بن صالح الوادعي .... من قبائل المملكه العربيه السعوديه وهي مرسله الى الشاعر ابو فيصل /علوي بن عبدالله بن جرادان النسي
وهذه القصيده التي بدع فيها الشاعر السعودي ..
؛؛ يقول ؛؛
يالله يامطلوب يا منشي مزونـه = ياعظيم الشان ياجـزل الهباتـي
ياكريـم كـل خلقـه يعبدونـه = ويامغيـث النفـوس الجايعاتـي
جل من جملة عبـادة يرتجونـه = الولي محيي الهشيـم البالياتـي
المغني يوم عـدا فـي **ونـه = راس مشـذوبٍ تعـلا النايفاتـي
مرقبي جعل الحيا يصفي بلونـه = تزهر ازهاره ويرعاه الرعاتـي
كم رعاه العود ذي طالت قرونـه = قانصه ضاريً بصيد الجازياتـي
يوم عديته طوت قلبـي شجونـه = قمت افكر بالسنيـن الماضياتـي
والهجوس تزيد بالخفـاق كونـه = والكرب يزداد والعبـرات تاتـي
صار مثل العد تشربـه ظعونـه = منهلٍ تـارد عليـه الظامياتـي
والهموم تشكلة حولـه ودونـه = ذي نصدرها وذي لـه وارداتـي
فراكب اللي ما شراه إلا **ونـه = لا نوى يضـوي بـلادٍ فايتاتـي
جيب خذ مني تواصيفـه ولونـه = قبل ما تركب معك مني صفاتـي
أدهم تصدع دجا الظلماء لحونـه = في ظلام الليل تسمع له عواتـي
صانعه في صنعته متقن فنونـه = ما انشغل فكره مع زين الصفاتي
سايقه ما هقوتي تخلف ظنونـه = لا ختلف في الجو عج المحرقاتي
قم عسى يامسندي تكفا المهونه = عاد كل الناس في نـومٍ سباتـي
وجه السكان صوب الشرق كونه = وجهتك يوم انت بتودي وصاتـي
وانتبه في الخط وافتح مكرفونـه = واستمع متى يقيمون الصلاتـي
واطلب الوالي مع اللي يطلبونـه = لاجل يكتب لك حصونن مانعاتـي
ومركز الخضراء جوازك يختمونه= قل لهم بزور لى مرخـه وباتـي
وانص شيخ بالجمايل يذكرونـه = حول مرخه حسب ذكر التوصفاتي
يثني الترحيب ويقلـط صحونـه = فوقهـا در البكـار المسنماتـي
مدهل الضيفان بيتـه يدهلونـه = للطروش بدار ابوفيصـل مباتـي
شاعر المحراف شعره يازنونـه = بالذهب لى غلي سعر الجوهراتي
النسيين اخوتـه تجلـي غبونـه = سعد منهم فزعته في النايباتـي
ضيفهم ليما نصاهـم يكرمونـه = والعدو ينزح بوقـع مصقلاتـي
من سلايل فارس ٍ يثني طعونـه = لا اقبلت خيـلٍ وخيـلٍ مقفياتـي
الهلالـي منسـب يتوارثـونـه = سجل التاريخ لاهلـه ذكرياتـي
صبحوا قابس على كل امعنونـه= وانهزم من حربهم جيش الزناتي
قل سلامي عد مامالت غصونـه = واثمرت من عقب ماهي يابساتي
وقل له ان قلبي كثيراتٍ شطونـه= هاويٍ مبدا الرجـوم العالياتـي
فاقـدٍ ظبـيٍ كحيـلاتٍ عيونـه = مدهل بيـن القفـار الخالياتـي
حن قلبي حن هجنٍ في سجونـه = دونها بيبـان حصنـن مقفلاتـي
عاذلين القلب زودتـوا حزونـه = مايطيع العذل واقـوال الوشاتـي
لان دوا قلبي مع مـن تعذلونـه = عنه والوجعان يبغـون الدواتـي
كيف ترضون الضمير تزعلونـه = تجرحونـه بالعلـوم التافهاتـي
حالفٍ قلبي عهـودٍ مـا يخونـه = مايخون الزين مردوع الشفاتـي
وختمها صلوا على اللي تتبعونه = النبـي سيـد جمـع الكايناتـي

رد جواب لشاعر علوي بن عبدالله بن جرادان النسي ابو فيصل

؛؛ يقول ؛؛

ابتدي باللي عباده يعبدونه = بالفروض الواجبه والنافلاتي
ناس تسجدله وناس يسبحونه = في البيوت وفي المساجد والفلاتي
عالم الغيب الذي ماتعلمونه = عالم اسرار القلوب الخافياتي
غافر الزله لمن يستغفرونه = طالبين العفو منه والنجاتي
بعدها يا مرحبـا مايحسبونـه = دارسين الحاسبات الاألياتي
مرحبا يملى الوطن لما ركونه = بالرساله والحروف المرسلاتي
والطروش مكلفين يبلغونه = من بلادالى بلاد(ن) ثانياتي
ساقهم شفلوت عندي يصلونه = واستلمته منهم لكن فاتـي
ثم جابوه الطروش يكررونه = جا ونا عندي ضروف قاسياتي
للزمان الوان وانتم تفهمونه = فيه ميلات وفيه معاكساتـي
واعذرو من حمله وقته طنونه = وارتكا مثل الجبال الراسياتي
لا شكا فقره ولا كثرت د يونه = لين فرجها الولي جزل العطاتي
واستعد برد ناساًيسجلونه = يسالونه من هوى بيض البناتـي
الهوى ماله دواء لاتامنونه = جنته مثل النيار المسعراتي
والعذارى من تبعهن يذبحونه = عندهم سوق المحبه والشناتي
يسعدونه في الهواء ويعذبونه = بايذوق المر من ذاق الحلاتي
وين ربع الوادعي ماينصحونه = لايروح في طريق الهاوياتي
غذبه ضبيا كحيلا تا عيونه = والضباء قد عذبني في حياتي
لوعيونه شافت اللي يفعلونه = بي تناسا كل مابه من وناتي
أوصحي مجنون ليلى من جنونه = يعترف ويقول ماسوى سواتي
في هواء عنزا معذب في كنونه = قائد الغزلان لا اقفا ذاعراتي
عادني باقول قولا تتقنونه = قول من عنده علوم مجرباتي
قال ابوفيصل سمر واسهر جفونه = من لذيذ النوم من حلو المباتي
لي سهر ليلي وغيري يرقدونه = والنهار هموم وافكار الشتاتي
حول عشرسنين عائش في سخونه = من سنة تسعين لين الفين جاتي
والسبب ناس بقلبي يسكنونه = دارهم مابين كبدي والرياتي
مالهم غيري وليف يعشقونه = لاولالي غيرهم خلا بتاتي
يرحمون القلب ولا يحرمونه = يعتبر محكوم ماله حكم ذاتي
راكب للي للنشاما يركبونه = في سنعهم ما يشل العائلاتي
للطلب عند اللزوم يحضرونه = مايقصر في جميع الواجباتي
ان طرد رد ا وشرد مايلحقونه = ماتباريه الصقور السائباتي
كن صوته لاصفي من كاربونه = عود فنان على احدث تقنياتي
ان مشى بثنين قبل يغيرونه = كنه بلفقيه يشكل لغنياتي
ون عطوه الثالث يزيده مرونه = صوت من غناء العيون الناعساتي
ماهقا ان اهل البراقع يفتنونه = لين شاف ضبا النفوذ مبرقعاتي
وان تعشق رابعا تشبه د نونه = لغنية ميحد حمد في لمسياتي
زودو ماطوره اللي يصنعونه = والدبل والجير فيه مميزاتي
والغماره مثل ملعب برشلونه = فيه صالات وفيه مدر.جاتي
جا مديله في الظفيره يكتبونه = انجلش تو تاوزن ون مترجماتـي
ذي وصوف الموتر اللي يمدحونه = يوم طافو به شقاق مغدراتي
والتماني زارها واسفل حبونه = واتجه نجران واعلن به ولاتي
للملوك اللي حموه ويحكمونه = اسرة ال سعود حكام وقضاتي
دام عشر ايام ربعه يعزمونه = علمفطح ثم دار مشملاتي
واصبحو يم الخميس يوجهونه = ودهم خوة خليل الغاوياتي
مر شليا محلا لفات رونه = نصف ساعه ونقده بالحاوياتي
عند مركز بير عسكر يسالونه = وين رايح ياصبي ومنين ماتي
قال من صوب اليمن قصدي ترونـه = حول ضهران الجنوب اوفي السراتي
قال قائدهم تعال وفي خشونه = انت صاحي انت شارب مسكراتي
قال انا صاحي وكلن له شؤنه = في اليمن خليت دخاني وقاتي
جيت دور واحد لو تعرفونه = من قبائل وادعه من هالجهاتي
س من هذا الذي جيتو تبونه = ج هو شفلوت بن صالح قصاتي
س هل بينك وبينه بيع مونه = ج لابيني وبينه مبايعاتي
س هل من وادعه تطلب معونه = ج لا حاجه لمثلي في الزكاتـي
س ما معكم لهذا تحملونه = ج له من عند ابو فيصل بياتي
هل صحيح الشعر حقاً تنظمونه = ليس محرومه علينا الموهباتي
قال انا آسف ترى ما لك مهونه = للحمايه ماخذين التحرياتي
والجنود تجود اللي يتهمونه = والبري يطلع من المخفر براتي
وانت دربك سمح مايتعرضونه = حيث ماودك على مسئولياتي
قال شكرا لك على ما تعملونه = للمواطن في الوطن والجالياتي
والمسافر في طريقه ترشدونه = فيه اشارات المرور ولائحاتي
فوق ذا خير للبلاد تقدمونه = للعرب والمسلمين مساعداتي
واعذروني والمسافر يعذرونه = ان سمعتو في الكلام تحدياتي
دق سلفه والجميع يودعونه = بالسلامه نلتقي قبل المماتي
راح صوب الديار اللي يحترونه = اهلها قد عندهم علما ثباتي
ساعتين في الطريق يجرعونه = وانتها المشوار به عند القناتي
في مضارب وادعه يستقبلونه = بالمراحب والعلوم الطيباتي
والغداء عند الشباب يجهزونه = من سمان الضان خمس وبعد شاتي
وقتهم بعد الصلاه يقلطونه = حسب عادات العرب في البادياتي
ضيفهم وان كرموه يونسونه = في السوالف والدلال مهيلاتي
في ثلاث ايام مايتخبرونه = عندهم كل السلوم الوافياتي
بعدها من حيث جا يستعلمونه = هات ماعندك وخذ منا وهاتي
قال علمي من بلد ماتنكرونه = اليمن والمملكه متجاوراتي
دينهم الاسلام والله يذكرونه = والشعوب اخوان في وجه العداتي
جيت من مرخه كتاب تجهرونه = وانت ياشفلوت شله من خباتي
فيه علم طيب تستاهلــونه = فيه كلمات الوفاء متابعاتي
والسلام لوادعه يتقاسمونه = والتحيه فيه واطيب لمنياتي
واذكر اللي المسلمين يوحدونه = والنبي صلو عليه افضل صلاتي

...............وســـلا مـــتــــــكم .............

اخي الشاطر ما اروعك

صح الله لسان الشاعرين
شفلوت بن صالح الوادعي
و
علوي بن عبدالله بن جرادان النسي ابو فيصل

واشكرك على هذا المجهود الرائع
لا عدمناك يا لجودي

تسلم يدك اخي الشاطر وصح السان الشاعرين
نقل اجمل من رائع
شـكــ وبارك الله فيك ـــرا لك ... لك مني أجمل تحية .

تسلم الأيادي

على روعة الطرح

لا عدمنااااااااااااك

تقبل مروري

الف شكر ابداع رائع جداً يعطيك العافيه