خبز بيتزا هت بالثوم طريقه سهلة وبسيطه

سلام عليكم شباب و بنات خوره
عشاكم طيبين
(المهم)
طبعا كلنا نعرف ونحب الخبز الفرنسي اللي بالثوم اللي في بيتزا هت<<واللي مايعرفه يجرب
انا تعلمت طريقته وحيل سهله اي احد يقدر يسويها ما تاخذ وقت وطلباتها متوفره في اي مطبخ<<<طولت عليكم ادري

بقول شنو تحتاجون له:
1.خبز فرنسي (او توست اذا مو متوفر الخبز الفرنسي)
2.زبدة
3.الثوم<<لان اسمه خبز بالثوم
4.زعتر بري
5.جبنة موزاريلا
6.سكين<<هههه

الطريقه:
1.نجيب الخبز الفرنسي ونقطعة شرايح<<<ونخليه على صوب.
2.عقب نجيب فص ثوم او حسب ما تحبون ونفرمه.
3.نجيب مقلى ونحط فيها الثوم والزبدة ونحرك لين ماتذوب الزبده.
4.نحط الخبز في صينيه ونكب الزبدة والثوم فوقه بس لا تغرقونه حيل.
5.ونبشر جبنة الموزاريلا فوقه ونرش شويه من الزعتر البري.
6. نحط الصينية بالفرن لين ماتذوب الجبنة ويتحمص الخبز شويه
7.وطلعوه وشمو ريحته اول حدها عذااااب<<< بعدين اكلووووه<<<هههه



بالهنا والشفا حبايب قلبي
وانشالله تعجبتكم
واللي يجربها يقولي رايه
و صدج قبل انسى منقول و مجربتنها روووووعه

ربي يسلم غاليج
بسومه العسل
نورتي يالغلا
مرورج اكثر من رائع

مشكوره اختي عاشقة الخيل
على هذه الوصفه الحلوه
وان شاء الله نجربها

اوكي اخوي التاريخ
جربها و خبرنا النتائج
تسلم ع هالطله
ربي يحفظك