|
|
|||||||
| القصص والروايات - قصص واقعيه - قصص رومنسية - روايات طويله لكتابة القصة القصيرة والروايات والحديث عنها ونقاشها - قصص واقعيه - قصص رومنسية - روايات طويله |
 |
|
|
أدوات الموضوع | انواع عرض الموضوع |
10-28-2010, 03:43 AM
|
#1 |
|
عضو نشيط
تاريخ التسجيل: Sep 2010
الدولة: المملكة العربية السعودية (جدة)
المشاركات: 82
معدل تقييم المستوى: 65  |
(قلوب بين الشموخ والإنتحار)ج5 الأخير
بسم الله الرحمن الرحيم السلام عليكم ورحمة الله وبركاته ـ الجـــــزء الخامــــــس والأخيـــــــر ـ ـ في بيت نوال ـ ـ الأم: نوال،، نوال،، ـ نوال: نعم ؟ ـ الأم: ما أدري مين تبغاكي عالتلفون ! ـ نوال: طيب،،،غريبة ! مين ! ـ الأم: بسرعة،، بروح أسوي الغدا،، الساعة 6 ولسه ما تغدينا،، الله يرحم أيام زمان،،الظهر وحنا متغديين وقاعدين،، ـ نوال: ألو، مين ؟ ـ عبادي: هذا أنا ، خليت أختي تتكلم، عشان أمك ردت،، ـ نوال: وكيفِك انتي،، وش اخبارِك ؟ ـ عبادي: أنا الحمدلله، بس انتي بخير؟ ـ نوال: والله تمام،، لك وحشه،، ـ عبادي: وانتي أكثر، بس إش حنسوي، مكتوب نعيش بعاد،، ـ نوال: ومين قال كذا ! ـ عبادي: كيف مين قال !! يعني أقدر أشوفك ! ـ نوال: أسمع، اليوم كنت طالعة السوق عشان حاخذ شنطة وعطر، هدية لوحدة، يعني تقدر تستنى في السوق عالشارع بعد المغرب،، إش رايك ؟! ـ عبادي: بس بعد المغرب أنا ! بس عادي مو مشكلة خلاص تمام بعد المغرب على طول. ـ نوال: ماشي، بس ما تنسى،، ـ عبادي: لا،، تمام،، ـ وجاء الموعد الأول والموعد الثانــــي والموعد الثالث والرابع ـ ـ واستمرت المواعيد بأعذار مقنعة وبخدع ذكية وبأفكار جهنمية لتتم،، بس مش كل مرة تسلم الجرة زي ما يقولوا،، ليش ؟؟ كيف ؟؟ السبب ؟؟ ـ نوال: عليّه المرة هذي،، ـ عبادي: أوريك غرفتي إللي في بيتنا،، ـ نوال: لا، وأهلك ! ـ عبادي: أنا منعزل عنهم،، يعني بابي تاني،، لا تخافي ما حيشوفنا أحد،، وكمان قريب المغرب يمكن أهلي يطلعوا،، ـ نوال: ماشي، بس ع لله يمكن تكون سوسن في وتلمحني،، ـ عبادي: لا ماهي موجودة، قالت معزومة عند وحدة زميلتها،، ـ عند الوصول لبيت عبادي ـ ـ عبادي: يوه،، البيت منوّر،، لسه ما طلعوا ! ـ نوال: كيف حنسوي،، من الأحسن نرجع قبل ما يشوفنا أحد،هيا،، ـ عبادي: لا تخافي،، أوه، أخواني الصغار عند الباب الخارجي،، طيب أسمعي، أنا حفتح شنطة السيارة وانتي خشي فيها على بال ما أدخِل السيارة جوا في الموقف الداخلي وبعدين نطلع،،ماشي؟ ـ نوال: أنا خايفه والله،، ـ عبادي: لا ما عليكي، بس على بال ما ندخل، عشان لا يشوفنا أحد. ـ نوال: طيب أقعد في المقعد الخلفي، وأنزل راسي، ما حيشوفني أحد،، ـ عبادي: لا ، بعدين يمكن يطلعوا أخواني الصغار فيها لو شافوني،، أنزلي هيا،، ـ نوال: طيب، الشنطة مفتوحة ؟ ـ عبادي: إيوه، هيا بسرعة،، ـ وبعد ما دخلت نوال في شنطة السيارة، انقفلت الشنطة ودخل عبادي بالسيارة من المدخل الخارجي ووصل حتى الباب الداخلي، لكن فجأة !! طلع أبوه ،،، ـ أبو عبادي: ياعبادي، تعال خذ أخواتك وأمك، وصلهم بيت ..........بسرعة،، تأخروا،، ـ عبادي: لكن أنا معزوم سهرة،، رايح أكوي ملابسي وأجهز،، ـ الأب: أقول وديهم هيا،، وبعدين تعال لسه بدري،، يلا شوفهم طالعين،، ـ عبادي: طيب استنوا شويه،،!! ـ الأم: ليش ! بنتأخر على الناس إشبك انته،! ـ عبادي: طيب بسرعة،، أف،، أف،، ـ الأب: لأ،، خذ سيارتك،، سيارتي عطلانة،، هيا،، ـ طبعا راح عبادي يوصل أهله، ومع الكلام والسوالف معاهم والمسجل مفتوح والطريق بعيد،،وغير كذا الإشارات المرورية والزحمة،، لكن ما باليد حيلة،، ـ لكن فين نوال المسكينة ؟! في الشنطة ؟؟ أكيد مخنوقة حتموت،،، ولاّ يمكن طلعت،،!! ـ في بيت نوال ـ ـ أم نوال: ما أدري إشبها تأخرت كذا ؟! طلعت من المغرب ! ـ في سيارة عبادي ـ ـ عبادي: من فين أجي ؟ ـ الأم: تعال من هذي اللفة،، أقرب، ـ عبادي: يوه، إش الطريق ذا ! بالله إش سكنهم في الأماكن البعيدة هذي!! ـ الأم: ما أدري ليش مستعجل كذا ! ـ عبادي: هيا نزول بسرعة،، ـ الأم: انتظر أشوفهم موجودين ولا سبقونا على هناك،، ـ الأخوات: معليش أصبر،، ـ عبادي: ها ،، موجودين ؟ ـ الأم: لأ، سبقونا،، أمشي ،، ـ عبادي: والله حرام، أنا مستعجل،، ـ الأم: بسرعة الناس منتظرينا،، ـ في بيت نوال ـ ـ الأم: يارب، فين بس راحت هذي البنت؟؟ ـ أخت نوال: بنتك طلعت من المغرب،، هذا كله في السوق!! ـ أذن العشا طبعا،، ومر الوقت،، ونزّل عبادي أهله عند الناس، ومشى، لكن فجأة هناك نقطة تفتيش ،،حاول عبادي يدخل اللفة إللي قبل التفتيش، بس شافه الشرطي ووقفه، وأخذ منه الهوية والرخصة،،لكن عبادي كان في حالة ارتباك قوية ! وخوف،، قام الشرطي بتفتيش السيارة حتى وصل للشنطة،، ـ في بيت نوال ـ ـ الأب: فين نوال ؟ ـ الأم: ها ؟ قالت بتروح السوق وإلى الآن ما جت ! ما أدري إش بها ،، ـ الأخت: يمكن عند وحدة من صحباتها عدت عليها،، يمكن عند سوسن أو هند،، ـ الأب: أنا أعرف أتفاهم معاها،، خليها تجي،، ـ الأم: أشوف أتصل بسوسن،، ـ ترن ترن ترن ترن ترن ،،،،،،،، ـ الأم: ما حد يرد ! أشوف هند ،، ألو،، هذا بيت هند ؟ ـ هند: إيوه، مين ؟ ـ أم نوال: أنا أم نوال،، نوال عندك؟ ـ هند: لا والله ماجت عندي،، ـ عند التفتيش ـ ـ الشرطي: فك الشنطة،، ـ عبادي: بس، بس ، ما فيها شي،، ـ الشرطي: إشبك خايف !! ـ عبادي: لا، لا، بس مستعجل عندي عزيمة،، ـ الشرطي: طيب أفتح الشنطة بسرعة،، عشان تمشي،، ـ عبادي: طيب،، ـ الشرطي: أبعد،، ـ فتح الشرطي الشنطة،، لكن فين عبادي ؟!! هرب بسرعة وراح يجري !! لكن الشرطي الثاني لحقه بالسيارة،، بس الشرطي الأول إش شاف في الشنطة ؟؟؟؟؟ شاف شي ؟؟؟؟!!! ـ أم نوال: آه، يا رب،، يا رب،، فين نوال ؟؟ ـ الأخت: يا أمي لا تبكي،، ارتاحي،، ـ الأب: أنا بروح أدور عليها،، ـ الأم: حتدور فين بس !! السوق كبير !! يا ريت ما خليتها تروح،، ـ وعنـــــد التفتيش ـ ـ الشرطي: يا الله،، يا الله،، ـ عبادي: سيبوني،، سيبوني،، آااااااااااااااااااا،، ما سويت شي !!!!! ماني طالع !! أمي،، أبويا،،،سيبو ،،،،،، ـ الشرطي: انته قتلت البنت،، انته قتلت البنت،، البنت ماتت،، حرام عليك،،،،،البنت ماتت البنت ماتت يا حيوان،،،،،حسبي الله عليك ،، حسبي الله عليك،، ـ الشرطي الثاني: حسبي الله عليكم يا شباب،، لا حول ولا قوة إلا بالله،،إنا لله وإنا إليه راجعون،،،، ـ وستبقــــــى القلـــوب بين الشمـــوخ والانتحار........ ـ ـ النهــــــــــــــــــــــــــــايــــة ـ ـ تأليف وتقديم/ ملكوتي
__________________
|
|
|
|
10-28-2010, 06:04 AM
|
#2 |
|
نبــع الوفــاء
تاريخ التسجيل: Jun 2008
الدولة: اليمن/ خورالمكلا
المشاركات: 42,499
معدل تقييم المستوى: 10472  |
__________________
[align=center][flash=http://dc02.arabsh.com/i/01935/0lji3zf27uke.swf]WIDTH=440 HEIGHT=220[/flash][/align] |
|
|
|
|
11-03-2010, 10:47 AM
|
#3 |
|
مراقب
تاريخ التسجيل: Jul 2010
الدولة: ارض بلقيس
المشاركات: 83,062
معدل تقييم المستوى: 688640 |
شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .
__________________
 لولو الحالمة  |
|
|
|
|
11-23-2010, 10:28 AM
|
#4 |
|
مراقبة
تاريخ التسجيل: May 2009
الدولة: الامـــارات
المشاركات: 32,625
معدل تقييم المستوى: 7264 |
|
|
|
|
|
04-02-2011, 07:19 AM
|
#5 |
|
مراقب سابق
تاريخ التسجيل: May 2010
الدولة: جده ~ السعودية
المشاركات: 14,756
معدل تقييم المستوى: 32799 |
رد: (قلوب بين الشموخ والإنتحار)ج5 الأخير
طرح في غاية الروعة و الجمال
لا عدمنا هذا الإبداع و التميز أسعدني التواجد هنا كثيراً
__________________
[flash=http://im73.gulfup.com/wmrB7T.swf]WIDTH=600 HEIGHT=400[/flash] [flash=http://im71.gulfup.com/rVWAii.swf]WIDTH=600 HEIGHT=400[/flash] |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| (قلوب بين الشموخ والإنتحار) ج2 | ملكوتي | القصص والروايات - قصص واقعيه - قصص رومنسية - روايات طويله | 5 | 04-02-2011 08:25 AM |
| (قلوب بين الشموخ والإنتحار) ج1 | ملكوتي | القصص والروايات - قصص واقعيه - قصص رومنسية - روايات طويله | 4 | 04-02-2011 07:24 AM |
| (قلوب بين الشموخ والإنتحار) ج4 | ملكوتي | القصص والروايات - قصص واقعيه - قصص رومنسية - روايات طويله | 4 | 04-02-2011 07:13 AM |
| (قلوب بين الشموخ والإنتحار) ج3 | ملكوتي | القصص والروايات - قصص واقعيه - قصص رومنسية - روايات طويله | 4 | 04-02-2011 07:11 AM |
| احلى صور قلوب,صور قلوب مجروحة,صور قلوب جميله,صور قلوب حزينة | عاشق الرومانسية | منتدى عالم الصور | 4 | 10-27-2010 07:32 PM |
العرض العادي
