مادريت اين عقلي!!!!

السلام عليكم ورحمة الله وبركاته
الاخوة الشعراء ومتذوقي الشعر بعد التحية اضع امامكم (ما اسميه قصيدة )
وهي اهداء خاص في طلب الرد بدرجة اساسية من ابوفهد (بن لزنم )
واهداء اجمالا الى الجميع للرد او التعليق عليها
واتمنى ان تنال اعجابكم وتقديركم
اخوكم الحميد بن منصور
5/6/2008م

[poem=font=",6,darkblue,bold,normal" bkcolor="transparent" bkimage="http://www.khorh.com/vb/mwaextraedit2/backgrounds/40.gif" border="none,4," type=2 line=0 align=center use=ex num="0,black""]
بسم من انزل القرآن يبداء باقراء = بسم ربي اله الكون منشي سحابه
واحمده واشكره في نور واضح وغدرى = حمد وافي لمن بالارض ارسى طنابه
ثم صلي على الهادي بسري وجهرا = من يصلي على طه يزول اكتئابه
بعد ياهاجسي رتب من الدر شعرا = انت خرج وانا بمسك قلم للكتابه
الهواجس خصوصي ماتجي شي باجرا = هاجسي خاص متأصل قوي انتسابه
هاجسي هات و انظم لي رساله وعطرا = توصل الجيد ابوفهد الذي يعتزابه
ابن لزنم سليل المجد من دون نكرا = وانه الشعر له تاجه وكل المهابه
قل له ابيات صحوي مابها اي سكرا = واضحة حسب تفصيل الدلى والرتابه
بعض ماجا في الخاطر (بلا) خط مغرى = واضح الخط ما تعجى عليك الاجابه
قال ابو (عامر) ان الفكر قرر بمسرى = لابلاده ولايمر الشرط والنيابه
حام فكري وله جنحين تشبه لنسرا = في ربوع اليمن حيث النكد والغلابه
شاف مسكين يشكي جوع بطنه وفقرا = جامعي !!! مامعة عضويه عندالنقابه
وانها امه ميتم شاقية لاجل صغرى = مات ابوهم ولا ورث لهم ورث ثابه
عاد واحد بصرته قد سكن قصر شبرا = صابه الله بالاميه والجهل صابه
بس فاهم عرف يسرق من الناس واثرى = ثروته من حلال الناس دسم شنابه
ذا على الخاص اما العام اجرة ومكرى = والله ان البلا واقع واخشى التهابه
قدو صعده دماء تنزف شبيهةلنهرا = سيف يقطرولاواحد يرده جرابه
وفي جنوب الوطن قالوا مسيرات صفرا = حارس البن مايسمع لها به لجابه
عدة الوان فيها مابعدها بحمرا = لون سكني وبيه خوف من انقلابه
يطلبون العداله من قدى قوم قشرى = قوم للفيد من لاقاه حمل سرى به
ناس ماراقبوا من ربنا اي حذرا = ما يخافون من ظلم البشر وارتكابه
والمحاكم اقاموها ولاحكم كسرى = للذي للوطن قدم هديه شبابه
كيف ذل المناضل للوطن صار نصرا؟= مثل جمال لاحمل يعقر ركابه
وانه الراس ضيع ذه وتيا ولخرى = والمطبل اذا طف النصع قال صابه
صدق اهل المصالح مانشد او تحرى = كل فاسد يهمه وش يقع في مسابه
مانوى الصدق مولى الخيل كرا وفرا = لانصحته وهو يضحك يكشر نيابه
لو حلف لك على الانجيل سبعين سفرا = اوبتورات موسى والعصاء ام الرهابه
كل مايقول مستهلك اذاعة ونشرا = كيف ماجات مختومة بافضل لقابه
مادريت اين عقلي كان مغرم بعذرا = عادهابكر ماجاها ولد به نجابه
رغم ماقيل هذالثامنه فوق عشرا = صبل مركوز والتغيير ما زل بابه
هذه اوضاعنا من حوف لما سقطرى = من لقي خوه عثرله على البطن سابه
كل اهل الجنوب اليوم يمنه ويسرا = ضاقت النفس ماواحد بصدره رحابه
ماشتكوا نهبهم للارض برا وبحرا = اشتكوا ميل في الميزان راح انتصابه
اشتكوا من مخوة ناقصه الف مترا = نظرة (انجاد) للاهواز فيها تشابه
هاجسي بس شف هذا القلم جف حبرا = يكفي ارجوك هذا القلب فيه ارتيابه
بااشرب البحرمش راضي وفي الحلق عبرا = من بلادي بها جوعي وكلن درى به
يابن لزنم تحيه وان انا اخطيت عذرا = سعد من زار قبر المصطفى والتوى به [/poem]