زمان الاقنعه
من كلمات عبدالكريم لزنم
يلي تباني اقتنع وكيف بالله اقتنع
ماهوبنا الي بسهوله اي كلمه تقنعه
تدري وش الي مايخليني برايك مقتنع
ان الزمن هذا يسمونه (زمان الاقنعه)
ماهو انا الي بالكلام الحلو ممكن ينخدع
او اي كلمه من كلام العشق ممكن تخدعه
اوتسلب افكاري بغنجك والتمايل والدلع
او كلما اسديت ليه عذر هايف اسمعه
لكنني قول الصبر ممكن ضميره يرتدع
واحيان امشيها واقول اصبر زمانه يردعه
ياصاحبي بعض الحكاوي ممكننها تنبلع
لكن بعض الحكي صعبه كيف قلي نبلعه
صحيح ماودي حبال الود فينا تنقطع
والود ودي ان يضل الصدق منهاجي معه
لان مبدا الغش ماعمره لواحد قد نفع
وذا كلام الصح ولا خذ ذراعي واقطعه
اخذت من دنياك لكن طبع لانسان الطمع
طمعت قلبي بس قلي كيف قلبك بطمعه
تدرون ويش اكبر جريمه حسها بالمجتمع
ان تمسك الشخص الذي حبك من ايدن توجعه
ماعمر قلبي قد خضع الا لك انته قد خضع
وانا الذي كنت افتكر حبك مجرد زوبعه
حتى القصايد لاجل عينك جيبهن على الوجع
شاعر ومغرم في بحورالعشق هي والمولعه
واكتب على عدة زوايا شعر سهل وممتنع
والشعر لوتبغى الحقيقه شوفني من منبعه
هذا الكلام الصح ذي ماهو ملفق مصتنع
وانته بكيفك حر مايملي ضميرك تصنعه
وانا على عهدي وقلبي لك مكانه متسع
باحملك رابط وسط قلبي وبفتح موقعه
ش/عبدالكريم لزنم
__________________
[flash=http://img8.7ozn.com/files57/2012-12/b71b13550550311.swf]WIDTH=530 HEIGHT=350[/flash]
التعديل الأخير تم بواسطة صقر لشعاب ; 03-16-2014 الساعة 11:49 PM
|