منتدى همس المودة - عرض مشاركة واحدة

12-15-2012, 08:06 PM

اقتباس:

المشاركة الأصلية كتبت بواسطة برق الدياني

[color="sienna"]الشآعر::حمد البريدي المري

لاعتني الدنيا وجربت السنين !!
وانا احمد الله عن غثاها واشكره

اطوي همومي وسط قلبي واستعين
الطيب .. آداريه / واللاش.. احقره

ما دامني مركي على الضلع المتين
اللي يبي فرقاي .. محدٍ يجبره

تعبت من ذااا اللي بجرحه يستهين
وانااا اتدارى كل جرح (ن) .. واستره

حشمت غلطاته لعين الطيبين
وهو يزيد الجرح بالجرح اشكره

يمدلي يسرآه وامد آليمين
يامهول الذنب العظيم ومكبره

قسم .. قسم بالله رب العالمين !!
ما يوجع الصاحب ولا هو يقهره

إلا الرفيق اللي قطع عرق الوتين
اتلى العهد به في يمينه يبتره !!

شيضيق بالرجال يا العذر السمين
مهما عذرته فالزمن ما يعذره !!

يا هل النفوس الضايقه لا تستحين
ما تاقف الدنيا على ( سبة مره )

اللي خطا مره .. فحده مرتين
والعفو مهما كان عند المقدره

ومن طاح من عيني ترى ماني بحزين
( البعد من بعض المخاليق خيره )[/color]

اتمنى تنآآآآل على رضآآآكم

هنا إرتويت شعراً وثملت بحروفك أدبا

مبدع أنت بل الأبداع له من منطوقك نصيب

أخي الشاعر برق الدياني صح الله لسانك وجاد بيانك

قصيدة جزلة قمة في الروعة والأتقان لايقدر عليها إلا محترف شعر

ابيات مترابطة مدخل ومخرج محكم

صدر وعجز بديع لله درك

واصل كما أنت ودم بالقمة ولا تتنازل عنها ايها الراقي

تقبل ودي واحترامي