المشاركة الأصلية كتبت بواسطة المهجوس بلعور

[frame="9 75"][poem=font=",6,green,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
يالله يامقدر تلاقي وفرقى= ترحم خفوق اللي مفارق خليله

تبات عينه بفايض الدمع غرقى=ولهيب بأعماق الحشى شعل فتيله

يحن ماحنت على الغصن ورقى=ويصارع العبرات في جوف ليله

يهيم باشعاره مع كل طرقى=ويسقي فيافي الشعر من سلسبيله

من صادق الاحساس قد جاك دفقى= لعناك ياراعي العيون الكحيله

يااطهر من مزون السحايب وانقى=وأرق من نسمة ربيعاً عليله

ياأغلى البشر بعيون مغليك وأرقى=ويا عز انساناً بقلبي أشيله

ياأجمل بنات الارض ياورود عبقى=ياريحة العنبر ومسكه وهيله

ياسيدة لخلاق ياروح شفقى= يأعذب من الحان الحمام وهديله

ياراقية لحساس يأنفاس زرقى= من عود كمبودي وزانه ثقيله

رفقاً بنا ياسيد الغيد رفقى=مالي على فرقى المحبين حيله

لا تستمع في صاحبك قول حمقى=شف غاية الحاسد يشافي غليله

قالوا المحال الغول واوفي وعنقى=هذه الثلاثة قالو المستحيله

واقول لا والله لو موت شنقى=ما خون من حبه ولا سعى لبديله

يجري بمجرى الدم مع كل عرقى= واصبحت انا وياه نفس الفصيله

يبقى بسويداء القلب مازلت يبقى=ومحتمي بضلوع عوجى نحيله

بين البدايد له رعوداً وبرقى=يمطر له الاحساس مبطي رسيله

لا قالت العربان بنسير شرقى= اغرب معه وامشي الدروب الطويله

ياصاحبي مبغاك تتعب وتشقى=والمؤمن يقولون قلبه دليله

ياصاحبي ان رحت او جيت تبقى= تبقى معي بالقلب وحدك نزيله

وش حيله المهجوس لا مات عشقى= واضحى صريع الزين واضحى قتيله

ماغير لي دعوة لمولاي ترقى= يجعل لك المولى سنينك جميله

ويسقى ديارك ياهوى الروح يسقى=يالله عسى يبطي عليها هميله[/poem][/frame]

المهجوس بلعور