قمة القهر
.
.
حبيبي ما كفاني في الحضور الصوت و الصورة
و لا طفّت لهيب الشوق ثنتين تحلاني
سقا الله ليلة فيها القمر غاب و طفى نوره
بعد ما سلمك يا نور ليلي وجهه الثاني
سقا الله يوم كان الحب غصن نقطف زهوره
عسى الريح اللي اومت به تنام .. و يسعد الجاني
حبيبي .. علّها تكبر جروح منك مغمورة
نصيب جابني لك .. باتجاه الشمس ودّاني
ذخرت اغلى شعور .. وكل خفاق و مذخوره
لعينك يا الجريح المستريح القاصي الداني
و شلتك داخل الوجدان حمل لذّ لي جوره
و لو اشغلتني و اشغلت بي تفكير خلاني
اب اولّع لك الدنيا قصايد عشق منثورة
واب اعزف بك نغم للحب يا قيثارة الحاني
عليك عيون ناس وكل قلب ضاق بشعوره
تمنّتك العيون .. و جيت يا عيني تمنّاني
احبّك .. كيف ما احبّك .. و انا اللي لك بنى سوره
على جمر .. يدفّي بارد اشجانك من اشجاني
حبيبي .. و المشاعر فيك مختاله و مغروره
تدلّل .. و انت في ساحة غلاي اليوم وحداني
واذا ملّت خطاك الدرب .. مسموحة و معذورة
تناساني .. دخيل الحب .. لو تقدر تناساني
.
.
__________________
[flash=http://download.mrkzy.com/u/2813_3ab0803db20d1.swf]WIDTH=650 HEIGHT=400[/flash]
في هذا المنتدى سينزف قلمي بحبرين .. إن نزف بكلمات أغتنمت لون البحر
لكانت كلمات من تعابير قلمي البسيط .. وإن أغتنمت كلماتٍ لون الورد
لكانت كلمات مما يُراق لي ..
|