الفراق الهادي
حاول وحاول .. يصير فراقنا هادي
الله عطانا العقل حتى يعنيّنـا
خل المقادير تمشي مشيها العادي
في عمرنا يفعل الله ما نوى فينا
ما فادتك دمعتك .. ما ينفع عنادي
لاصار ربي حرمنا .. من بيعطينا
فرقا وصارت ولا تحزن على أبعادي
وأنا بحاول على نسيان ما ضينا
ونبدأ حياةٍ جديده كلن بوادي
يا حسرتي يا غرامٍ .. عشته سنينا
يا وحشة الليل .. في بعدك بلا رقادي
ويا طوله اليوم .. ما شفتك ولو حينا
( سعود بن بندر )