ما قاله الاخ شالى بختك صحيح وهذه قصيدة للشاعر الكبير ثابت عوض اليهري في العيد العاشر للوحدة وانظروا لوجهة نظره ليست جديدة ولم يغير موقف
يالله أنـا سـالـك انصرني في التصـويب ** نصرا عزيز الهدف غالي وانا الضراب
لخـطـيت في الأولـه بـالـثـانيه با صيـب ** ما كل رامي رمى بأول رصاصه صاب
وقـعـت يا لاصـي الـمكـريب بالمكريب ** ما يحـرق إلا الحـطب بالـنـار والحـطاب
من حط رجـله بنـفـسه داخل الـمحـنيب ** يـعــرج عـلـيها لـما يـقـطـعها الـمـحـناب
ثابت عوض قال رحب واكثر الترحيب ** يـا شـامـخ الـعـر ذي ما يـغـلـبـك غـلاب
باقـولـها مـن طـَيـابـة قـلب لا تغصيـب ** عـاداتــنا من عُـوَيـد أجــدادنـا الأعـراب
ترحيب صادق بري لا شك به أو ريب ** يُـوزن جـبـلـها ويـمـلاها سِـيَـل وشـعاب
الضيف لا جاء سمرنا في وجوده طيب ** حـيا لـمـن جــاء ولا نـقـفـل بوجهه بـاب
يا هاجسي لـَب مطـلـوبي بـلا تعـصيب ** صـنـف لـي أبـيات واكـتب يا قلم شراب
الـكـلمه الـواحده حَـسِّـب لـها تحـسـيـب ** بتـنـصع الصـمـبحي بـا صَـوِّبـه صواب
يا احمد محمد تـعـذب مـن تقل تعذيـب ** ماشي يـعـذب نـمـر يا صاحبي سـنجاب
خل العصا لا يقع لك بالعصا مضريب ** واسلـك مَـعـَيـَّا سـلـوك الـعُـرف والآداب
بوَّشـت يا احمد وانـا باوضبك توضيب ** قد قل عـزمك ضروري لك من الوضاب
سـلـمت مـن ذيـب وتـواجه قـبالك ذيب ** وحـيـن ما رحـت تـلـقـانـا سِـبَـاع الـغـاب
فـلـيـرحم الله شـايـف ذي عـلـيـنا غيب ** لا غـاب شايف محمد بن عوض ما غاب
يـا صمبحي لا تضـيع وقـت بالتـنـقيب ** الأمــر واضــح ولا يــحــتـاج لا نــقــاب
مـانـي بـحاجه لـتـرشـيحك وللتنصيب ** فــارس ومـيـدان والـفـايـز يـشـل الـكـاب
وصاحبي ذي لقـبـته برفض الـتلقـيـب ** كـلـمة غـبي له وَفـَى فـيـها إذا هـو جـاب
والـثـانـيه يـوم قـلـت انـه بـلا تدريـب ** والثـالثـه يـوم قـلـت إنـه مريض أعصاب
وتهمتـك لي في الإرهـاب والـتخريب ** دَوِّر حـوالـيـك وانـتـه تـعــرف الإرهـاب
أمـا أنـا ضـد من يـسـعـون للترهـيب ** ومـا نـَسَـبــتـَه لــسـانـك لـي خـبـر كـذاب
والبنت في سنها العاشر شعرها شيب ** قــد شَـيَّـبـوها بني عـمَّـه وأخـُـوة الـشـاب
زوجـتـك البنت ما سَـلـَّبـتـني تسليـب ** أنـا أبــوها وأنـا ذي لــك بــهـا خـطـَّـاب
ماخـذتـها شـي من الملعب على لعيب ** نحـنا عـطـيـنـاك اياها من قـلوب أطـياب
لـَبـَّسـتها لك حُلي خـضبتها تخضيـب ** وأصـبحـت تـالـيـتـها فـي بـنـتـنا عَــيَّـاب
أظـهـرت حـبـك لـها والود والتهذيب ** وتـجـي لـهـا لا عـدن بـالـطـَّبـل والشبَّاب
وقلت أنـا اللحم وانـتم شفرة التقطيب ** واليوم مُـنكـر لـنا من بن عَـمَـه وانـساب
سويت صبغه وباروكه شعر تركيب ** بـانـَت لـنا صـورتـك في حـيـنهـا جَـذاب
بنتي ولا عرضتها للجزر والتغصيب ** بحمي حماها وبـشـرب مـن دم القـصاب
الأسـئـله أنـت تسـألـني وأنـا بـاجـيب ** بـاقـول بالصدق لو بالصدق قطع أرقاب
الـشرعـيه خـايـبـه والظـن فيها خيب ** وأنـا مـواطـن ولا لـي دخــل بـالأذنــاب
وصاحـب الشـأن بالتعديل والتركيب ** لا أنـا ولا أنـت نغـير حزب من لأحزاب
الـوضع عـاده يـزداد يوميه تصعيب ** عـاد الـمـسـاييل زادوا وسـعـوا لـنساب
وكـل مـسـؤول يقطب مننا مقـطيـب ** حـدوا سـكـاكـينهم فـي الشعـب يا قِـطَّـاب
بيجـربـوا قـطعهم فـي لحمنا تجريب ** مَــالـَـهَـا إلا وأبـُـوهــا مـجـلـس الــنـواب
أنا اعرف انه ضمريك أنبك تأنـيـب ** تـبـغى تـقـول الحـقـيـقـه وانـمـا مـرتـاب
شفهم بشر مثلنا عيب التملق عـيـب ** لا تـتـأخـذ مـنـهـم لـك أولـيـاء وأربــاب
وجهة نـظر من الواقع ولي تعقـيب ** لـو بيدي الأمـر مترك في اليمن نصاب
بصلب أيديهم على باب اليمن تصليب ** عِـبره لمن يـعـتـبر يـا أولـيـاء الألـبـاب
والبيت به شرخ منه مصدر التهريـب ** تـذهـب ملايـيـن مـا يحـسبهـا الحـساب
حـددت سقـفه وصبيته بلا تخـشيـب ** ما تـدري ان الثـقـل تـتحـمله لخـشـاب
البيت داخـلـه فـوضـى يـبـا ترتيـب ** والـقـايـد الـعـام هــو ملـزوم بالـرتـاب
يطرح ع اسم الحراميه علم تشطيب ** وجـامـعات الـيـمـن مـلـيـانـها طـُـلاب
يبذل جهوده لمن علمه من التسـريب ** رب السفينه وهو مسؤول عـالـُركـَّاب
واحنا معه ضد من يبغى لـهم تأديـب ** قـده عـلى حسب قولك لو مابقي كراب
والود بيني وبينك هيب يا احمد هيب ** والعيـش والـملح بـاقي والعسل سكَّـاب
بيني وبينك بوجهات النـظر تقـريـب ** ولا حـصل بُـعد بـا نـتـجـاوز الأسأباب
هـذا جـوابي وخـتـَّمته بـريح الطيـب ** صلي عَلى المصطفى ممسى المطر خصَّـاب
|