اخترتـك لقلبـي حبيبـه يـوم غرّونـي العبـاد
واحد ٍ بالمـال يغـري ووحـده تغرينـي بفتـون
لا سألتـي هـل بقلبـي لـك محبّـه أو عـمـاد
ناظري بأركان قلبي وشوفـي وش ساسـه يكـون
حبّ عـذري جـاك منّـي ويتزيّـن بـه الفـؤاد
وعشق خُمري مـا تنـام الليـل منّـه هالجفـون
وجوف طاهـر مـا تلاقـي فيـه ذرّات السـواد
وقلب ينبض لا ذكرتك هاضت بنبضـه الشجـون
بعـت ناسـي واشتريتـك يومـه الله لــي أراد
تكوني حبّي .. تكوني عشقي .. تكوني غيمي والمزون
تكوني بنـت ٍ وإنتشلهـا الفـارس بـذاك الجـواد
تكوني لون ٍ عقب شوفـه مـا بيلمـح أي لـون
هـذا جفنـي بـس يسهـر مـا يذوقـه الرقـاد
وهذا حبّك بـس يكبـر رادوا ولا مـا يبـون .!
وهذا عشقك وسـط قلبـي كـل لحظـه زاد زاد
وذا غرامـك يـا بنيّـه فـاق ماهـم يوصفـون
آمرينـي وش بـودّك يـا حبيبـه ولـك يُـقـاد
كل شـيّ وإن طلبتـي المستحيـلات ابيجـون
بـس تكفـي لا طلبتـك شـيّ لبّـي هالـمـراد
لا تـردّي قلـب عاشـق منـك صابه الجنـون
يـا جنونـي يـا فتونـي وإشتعـالـي للـرمـاد
يا عيوني وكل نجمـه لـو بتضـوي بكـل كـون
مـا رضيـت يشاركونـي فـي محبّتـك العـبـاد
فهل بترضي بكف تكوني وناسي بالثانـي تكـون ؟
بقلم الـشـاعر .. || احمد العـولقي || ..