رد: بريد همس الخواطر وعذب الكلام.. قل ولو كذابا كلام ناعما..
تغني الورقا على خضر الاغصان
أمّا حـــزن والاّ لجــــوٍ خيـــــالي
وانا يهيضني طويلين الايمـــــان
اللي لجيــلٍ جاي مضـــرب مثالي
أفخر بهم في كل مجلــس وديوان
والاّ الردي يلقــــــى خويٍ بدالــي
ثلاث لأخطــا منهن الرجل لو كان
يملك من الامـــوال كبــر الجبالي
عند العرب ماله مكـــانه ولا شان
ولاعدوا أهل الطيــب عـدوه تالي
الدين كفٍ يرجح بكـــــــل ميـزان
والطيــب ومخاوى كرام السبــالي
هذي هي اللي تطلق الوجه لاشان
وهذي هي اللي للرجل راس مالي
واللي بقى ماتعتبر ثلمة سنــــان
إن جات وان ماجات ماهيب تــالي
|