رد: بريد همس الخواطر وعذب الكلام.. قل ولو كذابا كلام ناعما..
تجري بي الاقدار من غير مـا اختـار*واصبر ولـو بانـت علـي الهزيعـه
يا ما صبرت امرار وامـرار وامـرار*خايف على السر من الاعـداء تذيعه
وش صار مدري مير صار الذي صار** عصريـةٍ مـرت عليـنـا فضيـعـه
قيـل وقيـل وقـال واقبـال وادبـار ** أمـوت واحيـا بالرجـا والقطيـعـه
واخـذت لـي ايـام مـا ارد الاخبـار ** هكاالنهـار وباكـر ومــن تبيـعـه
شفت الجمال اللي تجينـا لـه اذكـار ** يـدٍ وقـد وخـد وعيـون وسيـعـه
اهل الوجوه الساطعـه مثـل الانـوار**سبحان من صـور جمـال الطبيعـه
ذولا الذي واجـب يسمـون الاقمـار ** الله يوصلـنـا درجــةٍ رفـيـعـه
والنـاس كـل ناقـلٍ منهـم اخبـار ** متخوفيـن مـن الوفـاة السريـعـه
اصل المحبـه تحـرق القلـب بالنـار ** والا تهيـي لـه سـعـاده بديـعـه
راع الهـوى عـزام جـزام صـبـار ** يبـرك لحمـلٍ نـوب مـا يستطيعـه
وارحم لمحبوبـه مـن الوالـد البـار ** لكـن الـى باعـه حبيبـه يبيعه
|