الموضوع: كشكول
عرض مشاركة واحدة
قديم 05-06-2011, 07:57 AM   #381
شخصية هامة
 
الصورة الرمزية أمـل مـقـتـول
 
تاريخ التسجيل: Feb 2008
الدولة: jedDah city
المشاركات: 9,612
معدل تقييم المستوى: 13298
أمـل مـقـتـول has a reputation beyond reputeأمـل مـقـتـول has a reputation beyond reputeأمـل مـقـتـول has a reputation beyond reputeأمـل مـقـتـول has a reputation beyond reputeأمـل مـقـتـول has a reputation beyond reputeأمـل مـقـتـول has a reputation beyond reputeأمـل مـقـتـول has a reputation beyond reputeأمـل مـقـتـول has a reputation beyond reputeأمـل مـقـتـول has a reputation beyond reputeأمـل مـقـتـول has a reputation beyond reputeأمـل مـقـتـول has a reputation beyond repute
3 21170344986 رد: كشكول

ربي إن كانت حياتي في السماء أجمل... فـ خذني إليك~


ولهت لنظره من عينك ...
يبه وينك ؟؟
أشوفه طوّل غيابك !!
و من ودّاك .... ما جابك !!
قالوا ما يدوم الزين !!
و أنا عندي أمل للحين ..
و لكني أعرفك وين !!
يبه وينك ؟؟
عسى الداعي يبه بس خير ؟!!
عساك بخير ....!!
مداين تكرم لعينك ...
بس أرجوك علمني ...
علمني .. يبه وينك ؟؟
سألت أمي عن رجوعك ...
ولكني أعرفك وين !!
و قالت ..
ما يدوم الزين !!
و أنا .. عندي أمل للحين ..
في رجوعك !!
يبه بس تكفى علمني ....
متى رجوعك ؟؟
يبه بس تكفى علمني .
وش أحلى من طلوع اثنين ؟؟
طلوع الشمس .... و طلوعك
يبه وينك ؟؟
سألت أمي ...... غيابك طال ؟؟
ولكني أعرفك وين !!
و قالت مثل ما قالت ..
حسافه ...
ما يدوم الزين ...
مع كل هذا صدقني ..
أنا عندي أمل للحين !!
سؤالي عنك يالوالد ..
صار كما الموال
و أشوفه طال ...
والله طال ..
حزين .. بلحنه و حروفه ...
يخاف .. يموت من خوفه ...
و قلب ٍ كان أقوى قلب ...
ضعف .. من قسوة ظروفه ..
يبه ..
أرجوك علمني ...
تشوف اللي أنا أشوفه ؟؟
أنا أشوفك نهار و ليل ...
في وسط المجلس تصلي ..
و تدعي الرب ييسر لي ..
يبه ..
ما عاد بي من حيل ..
وين الحيل ؟؟
و أنا أشوفك نهار و ليل ..
مع أني ادري ما ترجع !!
غريبة .. بعدها تدمع ..
عيوني من هموم البين !!
و ادريبه مكانك وين !!
مع َ هذا .. أرد و اسأل !!
يبه ....
وينك ؟؟
و لكني أعرفك وين !!
شبكت العشر في غيابك ...
على رأس ٍ كساه الشيب ..
و من وداك ... ما جابك ..
و لا ادري وش يخبي الغيب !!
و جرح ٍ عذب أحبابك ....
يبه ..عيّا يخف و يطيب !!
يبه.. كل جرح في الدنيا ..
مصيره بالدوا يلتم ...
و لكن البلى من جرح ..
نزف فرقاك ... بليّا دم !!
و هذا الفرق في جرحي ...
عجز يلقى الدوا دكتور ..
أنا جرحي غريب الطور !!!
ينزف ... بس بليّا دم ..
و زاد الهم فوق الهم ...
و دام انك يبه غايب ...
جروح الغيبة ما تلتم ..
بس عندي امل للحين !!
و لكني أعرفك وين !!
يبه .. ذكراك تفرحني ....
في نفس الوقت تجرحني !!
لا من جبت في طاريك ...
دموعي غصب تفضحني ....
يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هالناس ..
كل ٍ كان في بيتك ضيف ..
ألا يا حيف .... ألا يا حيف ..
زمن قاسي ..
زمن قاسي ...
اخذ مني بلا رحمه
اخذ مني اعز ناسي !!
و خلاّ لي سهر هالليل ..
في عيني ضيف ..
ألا يا حيف !!
يبه وينك ؟؟
تعال و شوف ...
كبرنا مثل ما تمنيت .
درسنا كل ما حبيت ..
نصلي مثل ما وصيت ..
و ندعيلك في كل ظروف ..
يبه وينك ؟؟
تعال و شوف ..
صحيح الدنيا ما ترحم ..
تجرعنا التعب أنواع ...
و لكن الأمل ما ضاع ..
و أنا عندي أمل للحين !!
ولكني أعرفك وين !!
يبه تذكر شطانتنا ؟؟
أنا و أخواني و أخواتي ...
معانا عيال حارتنا ..
نلعب في زوايا البيت ..
يبه ... والله أنا حنيت ..
لذاك الوقت في وجودك ...
ألا يا ريت ... ألا يا ريت ...
ترجع .. يا يبه حنيت ..
حسافه الدنيا ما ترحم ...
خذت منا سعادتنا ...
خذتك بعيد .. و خلتنا !!!
يبه أمي تذّكرنا ...
بأيامك قبل ما تروح ...
تناديها.. يا روح الروح ..
تغازلها و تنظر لك ..
مثل طفله ...
ملامحها عشق مفضوح ...
في ذاك الوقت .. كنا صغار ...
معَ هذا ... كنا نغار ..
عليها .. أو بعد منها ... كنا نغار
نحبك يا يبه ... ارجع
مثل شمس الفجر .. اطلع
حزينة الشمس في غيابك ..
و نفس الحزن في أحبابك ..
وأخاف الشمس من حزني ..
تغيب و ما بعد تطلع !!
يبه ارجع !!
اذا لي خاطر فـقلبك ..
تعال و زورنا بس يوم ...
مع انه ما يكفينا .. نشوفك يوم ..
نبي حضنك يدفينا .. و نشوفك دوم ..
لكن قلّت الحيلة ... و يمكن مع البطا ضاعت ..
و قلنا يوم !!
يبه سامحني بترخّص ...
قبل ينشف حبر الأقلام ..
كلامي بعده ما خلّص ..
و لكن موعد الأحلام ..
حان ..
ولازم اوفي له..
بعد ما ضاعت الحيلة ..
أشوفك والوعد باكر !!
إذا فكّر يجي باكر ..!!
و برجع أسألك وينك !!
بس لازم تجاوبني ..
ترى عندي أمل للحين !!
و لكني أعرفك وين ..!!
__________________

التعديل الأخير تم بواسطة أمـل مـقـتـول ; 05-06-2011 الساعة 08:11 AM
أمـل مـقـتـول غير متواجد حالياً   رد مع اقتباس