كيف الصحه يا شباب ويا صبايا اليوم جايب لكم معي قصيده قرتها وحبيت ان انقلها لكم
وهي تعبر عن نفسهاء انشالله انا تنال اعجابكم اليكم القصيده
القصيده للشاعر :::عبدالرحمـن بـن عبـدالله المجلـي السبيعي
[poem=font=",6,black,bold,normal" bkcolor="transparent" bkimage="http://www.khorh.com/vb/mwaextraedit2/backgrounds/6.gif" border="double,5,blue" type=2 line=0 align=center use=ex num="0,black""]
الحـر يزكـي.. والدجاجـه.. دجاجـه=وماني علـى بعـض المقاريـد مجبـور
الضـرس قلـعـه لا تـألـم عـلاجـه=لا صار ما ينفـع معـه طـب دكتـور!
وحكي القفى في الناس عيـب وسماجـه=واللي يتتبـع عـرض الأجـواد مثبـور
(نارد) قرا ح المـاء ..ونتـرك هماجـه=هـذا لنـا مبـدأ.. ومنهـج ..ودستـور
واللي يطفـي فـي الغـداري إسراجـه=لايحتري قمراء ..ولا يرجـي النـور !!
تـراه يضيـع صيدتـه فـي عجاجـه=لا يسمع الناصـح.. ولا يأخـذ الشـور
والكل يبخـص فـي الشدايـد خراجـه=لا نشبت اللقمة من الغبن فـي الـزور !
والحـظ لابـان الـردى فـي حجاجـه=أصبر مـدام الصبـر ياخـوي مقـدور
الله خلـق كـونٍ وسـيـعٍ.. فجـاجـه=والعبد لو يطـرد وراء الـرزق معـذور
و(راع) الرفيـق ولا تعـكـر مـزاجـه=خلـه سعيـدٍ دايـم الـدوم مـسـرور
كسر الخواطـر مثـل كسـر الزجاجـه=نفس البشر دم.. وأحاسيـس.. وشعـور
واللـي يتصـدد مالكـم فيـه حـاجـه=يالله عسى إللي يدور الستـر .. مستـور
وحذرا تصير لبعض الألسـن (علاجـه)=بعض البشر يحلف.. ويشهد ..على الزور
والتمـر يعـرف طيبـه مـن خماجـه=ماجور ياللـي تدهـل الطيـب ماجـور
الـواحـد القـهـار راعــه ونـاجـه=الله يكافينـا مـن الضـيـم والـجـور
يقولـه إللـي قاسـي الوقـت عـاجـه=صابر وهمه داخـل الجـوف مقبـور!! [/poem]