عرض مشاركة واحدة
قديم 12-12-2010, 05:18 AM   #3136
كاتب مميز
 
الصورة الرمزية فارس بلاجواد
 
تاريخ التسجيل: Mar 2009
المشاركات: 2,451
معدل تقييم المستوى: 76
فارس بلاجواد is on a distinguished road
افتراضي

يوم هبّ الوقت وأعماني عجاجه ..
الفرج عيّا .. وأنا بالصبر راهي

ويوم مال وطال ميله وأعوجاجه
رحت أدوّر شي ٍ يشد إنتباهي ..

وشفت زولك مقبل ٍ مثل إنفراجه
كنّه اللي جايبٍ عزّي و جاهي

ياه ياضيقات صدري وإبتهاجه
تذكر آخر مرة ٍ شفتك ..متى هي !!

صاحبك من يومها زاد إحتياجه
وأمتطى ظهر المصايب والدواهي

سولف الليله على قلبي و ناجه
من بقى لي غيرك أفخر به وأباهي

يابعد ..من كدّر غيابي مزاجه
ويابعد ..من مرّت حروفه شفاهي

رغم حيرة قلبك ورغم إنزعاجه
الزمن .. ماغيّر احساسه تجاهي

ورغم وحشة بعدك وقسوة سياجه
كل حاجه فيك ظلّت مثل ماهي ..

الخجل في وجهك أول مـ نتواجه ..
والبراءه في عيونك وأنت ساهي ..

وبسمتك لامن بغيت تقول حاجه ..
وغيرتك لاشفت كنّي عنك لاهي

قبل أشوفك .. والزمن عاقد حجاجه
أسأله : وش فيك ؟! وألقى العذر واهي

ويوم شفتك قلت للوقت وعجاجه :
هيه ياللي في طعونك كنت راهي

أنت لو غيّرت فينا ألف حاجه
القلوب البيض تبقى مثل ماهي ..
__________________
ملاحظــــــهـ :ْ~ اعتقد بأن هذا الطرح حق من حقوقي و لم أمس الإداره بشيء..و لا المراقبين.. و لا المشرفين ..و لا أي عضو ..و فوق هذا تم نقل الموضوع إلى المكان المحظور الذي لم اصل اليه ..و أتمنى من سيااادة الإداره عدم نقل الموضوع او حذفه ..لأن هذا حق من حقوقي الشخصيه..و لي حق التحاااور فيه من قبل الاداره و المراقبين و المشرفين و الأعضاء..!!..؟؟..





و لــــي عوده هنا لي أرى ما خطت أقلامكم ..


بقلم
عاشقة الخيل ..
فارس بلاجواد غير متواجد حالياً