وهنا مساجله اخرى في الزامل الشبواني
اليوم يا سلمى ماهي ساعتش
ساعة سلامه بنت سالم بن عبود
تاخذ لها شهرين ولا اربعه
وبعد تتوكل على باب الوجود
السيد
يادي حضرتو راجعو هذا الرجل
دي هو يثور ناس من تحت الحود
هيتاك دى بارح تلولا لوله
دي برقت لعيالكم بعيون سود
باسرده
هذه حجر اربع فراسل منها
يابنت سالم دحرجيها فى سنود
ان طاعتش ولا اطرحيها وانسمي
قد بنت عمش واقفه بين الحود
السيد
ما بنت سالم كل ما جاء تنقله
باتنقله في حر ولا في برود
احنا لخطر للسيول المكبره
لاحد يفزعنا بحنات الرعود
باسرده
يا الصومليه مايباش الصوملي
جري بنفسش قبل لايعطوش عود
راسش مركز والعيون مشايزه
والوجه مثل النيل والكرعان سود
السيد
ذا بامحين ياقليل المعرفه
من دي خلق بين الميازر والفرود
من يوم تلقي بامحين صوملي
حيشى علىالرحمان مالمسي سدود
باسرده
خالف ضروسش يالعجوز الكاهنه
باقي معش واحد قده يمسي ينود
والحاصل ان الموت منش قد قرب
فى ذا الليالي با تزورين الحود
السيد
عجوز غبراء ماوقع با تسرطه
جبال تسرطها وتسرطها عدود
يابوك مازالت تلفلف على الحطب
حيشى علي الرحمن ما شفت الرقود
|