متلطم شماغي خصيصا لمنتدى خوره
متلطم شماغي وناكس عقالي
ومتكي على بارودتي حكم لقدار
شبيت ضو الليل يدفي خفوقي
ولاقيت نار الصدر الهب من النار
ماجيت واحلامي توادع سنيني
ولاتركت القلب والعقل احرار
قيدتهم من بعد جرحن دفيني
وخليت حزني بوح تحكيه لشعار
انا اللذي ساحت من الدمع عيني
وانا الذي من جرحه الحب منهار
اهجر غزالي و لو بقاياه فيني
وماهين من حبيت لوصار ماصار
من بيد ليلي ماخذ الصبر قسوه
ومن فلسفة وقتي اخذت اول انذار
ماخذ شموخ البدو جوده وتصويب
والمرجله دوله وانا لي بها داار
واليا سريت بليل خاويت لي ذيب
والقنص خاوي به سنافي وصقار
ياحيلتي بالله لاتاخذيني
من حب مايحتال حتى ولوغار
والحين روح ياحزن مبتليني
والفت ياجرح الحب عن قلبي انظار
|