[align=center]
السلام عليكم
هذه الابيات على المغنى فرع من فروع الشعر للشاعر ابو فيصل / علوي بن عبدالله بن جردان
النسي اتمنى انها تعجبكم

يقول ابو فيصل قرا
والنوم من عيني سرا
هات القلم والدفترا
برسل لمحبوبي سلام

سلام ما يتقدرا
اربع ميه ولا اكثرا
بالورد ياعود اخضرا
والند واغصان البشام

ذي صابني صوب انكرا
وانا احسب اني جوكرا
وانثر قد اللعب ايسرا
والبنت ذي تخذ الغلام

واكبر عليهم واكبرا
وانا عليهم بالبرا
خلاني اعمى واصورا
والعقل شله بالكلام

وين العداله تذكرا
لا عاد حد باينظرا
هل من قدم يتوخرا
ولا يتمي للامام

قولوا له ارحم يا اسمرا
ذي من هواك اتجورا
لا تطعنه بالخنجرا
حرام يالغالي حرام

ما حد يدوم امعمرا
النفس لازم تقبرا
وفالنهايه تحشرا
تلقى العمل عند الختام

اقرا الزبر والكوثرا
وصلي لربك وانحرا
وارفق بقلب اتكدرا
في حبكم تايه وهام

كل ما بغى يتصبرا
يزيد ضغط السكرا
وخاف لا يتفجرا
ثم تصبح الدعوى عدام

يالسوبرمان السوبرا
من المرور اتحررا
ابا خصوصي مشترا
ما با لوايح نقل عام

[/align]

[align=center]
منقول
[/align]

__________________
]


يا رجل عصر الرخا والعز ما يبطي@@خل الكبر واتبع المعروف ودروبـه

لا تاخذك فلسفـات العالـم النفطـي@@وتقول قدر الرجل مرهون بجيوبـه

والله ما يفرق الاسود عن الحنطـي@@الا بدينـه وباخلاقـه وبـا سلوبـه

واللي يمن بجميله بعد مـا يعطـي@@مثل المطر في البحر ما يترك عذوبه

والكلمه الصادقه لو تجرح المخطي@@احسن من الكذبه اللي تستر عيوبـه