[frame="8 98"][align=center]
طعنتني يازمان الويل طعاني=اش فايدة جسم هالك تطعنه طعان
ارحم بحالي وعودني لخلاني=خليتني عيش في غربه بلا خلان
لاجيت بانام عيا نوم لعياني=والقلب شغال مايغمض سبل لعيان
شغال بالهم والتفكير بجاني=لي عقل نادر يفكر في فكاراجنان
فكر لنفسي وفي قاصي وفي داني=وصارع العقل من وديان لاوديان
حملت قلبي حموله هم بطناني=وش طافت القلب يتحمل الوف اطنان
ذا لي مقدر من الله عيش تعباني=لاحد سال قول في نعمه ونا تعبان
اباالمحبين تفرح ما اباالشاني=في حالة ان حد وجد يعلم عظيم الشان
لاني انسان عمري محسد انساني=حاسب لنفسي ولا زعل عليها انسان
عساه يغفر لدي خلف ورباني=اسكن بهم جنتك ياالله يارحمان
هم علموني وقول الصدق با لساني=وقالو احذر وحاذر من غلط للسان
شف من يحاذر وفكر كيف مااهتاني=وحنا لبا بعدنا صيتك نمر مااهتان
وناقبلت النصيحه لاالله احياني=العمر فاني ودنيا ماعليها فان
وعيش شامخ شموخ اجبال ردفاني=وحيدنا حيد ساخط دي مثل ردفان
باعامل النا با لطيبه ولحساني=حتى ولاجاء الغلط بارد له باحسان
لان لي دين مهما ابليس نساني=واجب على كون سامح نعمة النسيان
ومشي بدربي وعادي كن ماكاني=ماشي نقص عيش ومرح كن ماشي كان
ماهي بعيره ولاعيبه ونقصاني=غشيم من قل عقله يحسبه نقصان
مادي معه عقل متفتح وفناني=يقضي حياته ويتفنن لها فنان
يراعي الناس شيبتهم وشباني=ولايقع يستخف لاقالو الشيبان
لانهم جربو ماضيه ولاني=كم هي حكم كم تجارب روسهم مليان
الان ياهاجسي بي ضيق قل داني=شفني من الضيق بتسلا بصوت الدان
ريح على القلب يوم القلب عطشاني=اباك تشفي غليل القلب دي عطشان
ثلاث تعشر سنه في ارض بن ثاني=ديرة حمد بن خليفه جدهم بن ثان
تركت في اصحاب خوره وال دياني=وعشت ناصر وبن لزنم وبن ديان
وحبهم مانسيته طول لزماني=والله منساه مهما طولت لزمان
وحب خوره بقلبي هو وشرياني=يجري مع الدم لما القلب في الشريان
حتى ونا نيم كثر الحب صحاني=من كثر حبي لها فكر ونا سهران
عشقتها عشق متولع وهيماني=خلاص بقلب سمي مغرم بها هيمان
شوقي لها شوق وسط القلب نيراني=من فرقها سببت لجراح والنيران
وحس لي نبض متوتر وغلياني=على مدار الثواني واصل الغليان
بي ظل طبعي وفي لما البس اكفاني=ماعاد شي لوم لاقدني وسط لكفان
ودعته الله من بعدي وحلاني=اوفيت عهدي ودي باقي على الحلان
من يوم شبيت ليه صوت رناني=حافظ عليها اباها خيرت البلدان
انابري منها لاالله توفاني=براءة الذيب من يوسف طلع لخوان
جابو قميصه وفيه الدم شناني=وقالو الذيب كذبه وسوس الشيطان
والعفو ياهاجسي خرجت قيفاني=شاعرمحنك وفرزنها على القيفان
اليوم عايش فرح وبكره احزاني=مصايب الوقت تتراكم على وحزان
ماعل وش ذا الخبر مقبل على عاني=ياالله عسى خير يا ستار يامنان
صابرلحكمك وماجبته وماجاني=لي قلب مومن لماقدجاء وفيه ايمان[/align][/frame]
صح الله لسانك ياخال ناصر
ماعندي شي اقوله غير الله يسعدك ويرجعنا بالسلامه
ويشفي ابو حسين
لك مني اجمل تحيه تقبل وجود ولدك