[poem=font="Arial,6,purple,bold,italic" bkcolor="transparent" bkimage="" border="inset,5,deeppink" type=1 line=0 align=center use=ex num="0,black""]
كيف أطفي الريح بثيابك وكيف اشعلك = كيف اتنثر على جمـرك وكيـف احتويك
نقضت ليل الحرير وجيت ماانت لهلك = سمّيت باللي فتني بـك وقلت افتديك
هذا اول الدرب او هذا الطــريق اولك = جيت آتوقّا عذابات المدى ..واهتديك
شوقـي مسافـه وهمساتـك مـدار وفلك = ان ماظميتك غلا ..ياعلني ماارتويك
إية اعرفك واعرف اني من غلاك اجهلك = مرات اضمّـك واخـاف اني مشبة عليك
مـرات اشوفـك بنفس الوقت واتخيـلك = وانشد كفـوفي عن اخر سالفة من يديك
أعـنّ لك لـو تصّـب المـوت ...واتهيّلك = واجـوع لـك وآتمـنى خنجـرك واشتهيـك
ماقلـت لك عمر سيـف العشق مايقتلك = ماتشوفني حي قدامك وانا امـوت فيك
اشتقت لك قبل اجيك وجيت واشتقت لك = البارحة طول ليلي بين هذي ..وذيـك
مليت جمـر انتظارك واستحيت أسألـك = واحسبتني ما بعد جيتك وفكرت اجيـك
اثرك بقلبي من البارح وانا استعجلك = واثري نسيتك من الفرحة وقمت احتريك [/poem]




" مساعد الرشـيــدي "

__________________