[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياهجوسـي لانخيتـك تعالـي ياهجـوس=جيبي الجزلـه وخلـي دوينـات الكـلام
ودي اتجيبين قافي علـى كـل الطقـوس=مـن تسمـع لـه يقـول الله الله ياسـلام
خابرك ياهاجسـي ماتعـودت الجلـوس=خابرٍ هامتك تاصـل الـى حـد الغمـام
ارق للعليا وبعطيك مـن عنـدي دروس=تستنير بها على طول في جنـح الظـلام
خلك مثل الصيرم الزير في حرب البسوس=يوم اخيه اكليب ينخـاه يالزيـر الهمـام
بس انا لازلت حيٍ علـى الدنيـا وادوس=واطلب الله ينصر الديـن ويعـز الإمـام
اشهد ان الشعر غايه تطيب بها النفـوس=خص لاجت من فهيمٍ بجوف الغـب عـام
لانـوى ياتيبهـا لايـدور ولا يـحـوس=يضمن الجوده وقسمه من شعوث السنـام
مايدور مـن ورى كلمتـه عـد الفلـوس=همه الجمهور يرضيـه والربـع الكـرام
لابتـي خيالـة الخيـل باليـوم العبـوس=من ظنا فروان والجد مـن صبيـان يـام
لابتي يـام العريقـه تطمـن كـل روس=في مياديـن الوغـى ماتليـن ولا تظـام
من يعاديها تحده علـى حـر الشمـوس=يشهد التاريـخ لفعولهـا فـي كـل عـام
ومن يصافيها تداري عليه من الحسـوس=تحشمـه وتقـدره وتحميـه مـن اللئـام
عايشين بحكم سيفيـن والنخلـه غـروس=والشريعه منهج الحكـم وزمـام النظـام
مملكتنا كل عامٍ زهـت مثـل العـروس=في حمى حكـام نجـد رفيعيـن المقـام
والملك فيها زعيمٍ كمـا النمـر الفـروس=خادمٍ مسجد نبيـه مـع البيـت الحـرام
[/poem]


اتمنئ تعجبكم مثل ماعجبتني تحيــــــــــ سموالمشاعرــــاتي

__________________