النوع الثاني
هالنوع الله مير يصلح قلوب بعض حريمنا
ماغير قالبتن خشتها في وجه رجلها ... ترانا نبي ونبي ونبي واختك منيرة داقة عازمتنا عقب العشاء اليوم
وترى عرس ولد اختي حصه عقب شهر لاتنسى شفني قلت لك .. وباتسر الصبح ابيك توديني عند أمي ابسلم عليها تقولي اوخيتي انها تعيبانه
وايه ابي الف وخمسمية ابروح اتقضى من السوق .. يقولون فيه جلابيات مسوين عليها تخفيضات
واذا عصب عليها رجلها ... قامت وحطت يدها على صدرها وقالت ( هو ) وشفيه رجلي .. اكيد انهم ناضلينا ولا مسوين لنا سحر
هالنوع من الحريم على نياتها .. اي شي ينقالها على طول تصدق
وانا من اول مستغرب ليه محلات ابو ريالين تبيع كتب ( تعلمي فن إغراء الزوج ) وغيرها من الكتب اللي مثل تسذا
لكن بعد مدة من البحث اكتشفت ان هالنوع من الحريم هو الزبون الاول لمثل هالكتب
يتمتع هالنوع من الحريم بالطاقة والحيويه ... لكن المشكله انه ماتعرف وين تحطها فيه
فتلقونها بوقت فضوتها ... تقوم وتسحب لي المويه وتجيب المساحه وتغسل الحوش
نادراً مانجدها خارج المطبخ .. لدرجة انها تهتم بالقدور والمواعين اكثر من خشتها
لذلك لاتعب على عمرك وتشتري تسريحه بغرفة نومكم