الاثنين شفت الزين ف يخط الشمال=صغير ومدلل وراكب فكس ار
سبحان من صور وابدع في الجمال=واعطى له الهيبه وكللها الوقار
من نظرته حسيت في عيونه وقار=ناظرني بعينه ولا ادري ايش صار
وسرت انا بعده وفي نفس المجال=امشي على خطه وفي نفس المجال
ناظرت في وجهه وراودني سؤال=يا ناس هذا الضبي من اي الديار
اعيان له ترمي كما رمي النبال=وخدود لماعه تسبب لك دمار
والخشم حد السيف في ساعة نزال=مسلول من غمدة ولا يهوى القرار
اما الشفايف مالها عندي مثال=وشلون ابوصف من بعد ما العقل طار
صغير في سنه وسبب لي هبال=يا ويل حالي لو وقف بين الكبار
قالوا بشر لكن انا قلت المحال=ماهو بشر الا ملاك بهالمدار
ليته ولد عمي او انه ابن خال=والله لاشيله لو يطول الانتظار
يا ليت لي قدرة ابي منه الوصال=واهنى بقربه ويرتفع عنا الحصار
واكشف مفاتن خافية ثارت جدال=واحرك شفاته وما تحت الخمار
وامسك على ايدينه ويفتح لي مجال=اضمه لصدري واقبل في المحار
وكل ذا يا ناس ابي منه حلال=ما بي حرام واخرتها وسط نار
على كتاب الله ربي ذو الجلال=وسنة نبية خير من صلى وزار
10-2-2010م مدينة بريده
__________________
حين ابتعدت ..... لم يكن إلا ليعلم الجميع بإني أجيد الترحال في حضرة العقـول المتحجرة
|