(( الشاعر /حسن محمد البارق الدياني ))

شاعر مجيد وعطاؤه لازال مستمراً وهو ابن الشهيد محمد البارق الدياني الذي استشهد اثناء مواجهة القوات

البريطانيه في حصن خورة عام 1956م وهذه القصيده للشاعر حسن محمد البارق بعنوان (الى اين يااهل شبوة)

ابداء بواحد احد خالق جميع الناس=والجن والطير والحيتان في بحره

وخالق الارض والرمان والروداس=وخالق الذيب والغزلان في بره

وخالق الناس حدعاقل وله احساس=وحد غبي تكرهه من كثرة الهدره

سبحان من علم الانسان رب الناس=والقارعه والتغابن غيب في صدره

وبعد ياهجاس اتهجس ولك هجاس=بتخبرك علمشاكل في بلد قفره

من شبوة الصابره عالظلم والرفاس=واسبابها قلة التعليم والدبره

الاخوان يتفارقوا من الشك والوسواس=او قول حاسد يبا يحفر لهم حفرة

واتقاتلوا بينهم واسبابها لفلاس=وقلة الايمان والتفكير في بكره

وين العوالق غدوا في لعبة الطماس=المحجري والذي من معن ياصبره

والحميري والخليفي والنسي محتاس=والديولي والذي من دغر في دغره

والمصعبي وين بلحارث من الاساس=وين الشريف الذي كانت لهم حضره

وبعض كنده وال حسن على لخماس=وسعد شبوة ونعماني وبن مرة

والسادة اول لهم تقدير والنوماس=لاقامت الحرب قاموا واخمدوا شره

واليوم ضاعوا وضاع الزير خو جساس=لما متى يااهل شبوة اخر النشرة

ياللاسف ضاعت الليله حجار الماس=وتفرق القبيله كلن على فكره

مافي قبيله بشبوة مامنه على الراس=كلن معه بندقه دايم على صدره

والبعض يمشي ويعمل مثل ابو نواس=والبعض يمشي معه دشكاء وبا عشره

لاعاد مسؤل يتوضف ولاسياس=وان هو موضف من اول ينتظر دوره

ياما مطالب لشبوة في ظروف اكياس=ماحد يراجع وهيه منسيه بالمره

وين المشايخ واعيان البلد جلاس=ضاعوا وضاعت مصالح شبوة الدرة

وكل نايب يباء لصوات له هوجاس=ولا طلع مجلس النواب ماسرة

ضاعت وعوده ولا حد كلمة حساس=نسى بلد طلعه لاقمة الشهرة

وين المشاريع وين الكهرباء والباس=وين الطرق وين شرب الماء ولا قطرة

واسبابها الثار والتحريض والقنباس=وين العقول التي تفهم بناء الاسرة

ياما خسرنا زمان المطرقه والفاس=والشوعيه جاتنا بالظلم والحسرة

واليوم وحده نسينا السجن والترباس=وين العداله وحكم الشرع ياخبرة

الجيش والامن موجودين والحراس=لكن مايمنعون القتل والنعرة

يتقاتلوا في عتق والامن به حواس=والجيش ينظر على القاتل وله نظرة

والحر تكفيه تاشيرة بلد مكناس=وان كان ماشي كفاه البن والتمرة
هذا زمن لقوياء يالبيض والعطاس=ومن ضعف في اليمن يصبر على قهرة

هذه قصيده نضمناها على لقواس=لكل شاعر بشبوة يسمعوا ذكرة

وكل شاعر يباء يسبح وهو غطاس=من قاع بحر العرب يخرج لنا زهرة

هذه نصيحه ودعوة من جميع الناس=بالسلم شبوة لباها منطقه حرة

صلوا على الهاشمي مانسنس النسناس=واعداد مالبت الحجاج في النفرة

__________________
[CENTER][flash=http://flash01.arabsh.com/uploads/flash/2013/09/05/0d37414865fa.swf]WIDTH=600 HEIGHT=370[/flash]