[poem=font="mudir mt,5,crimson,normal,normal" bkcolor="black" bkimage="" border="groove,4,white" type=0 line=0 align=center use=ex num="0,black""]
جيتك وانا كلي وله جيتك حنين وجيـت شـوق=جيتك وقلبي ممتلي من كثـر شوقـي والولـه
جيتك من حروق الزمن وابغى دواي من الحروق=جيتك وقلبي ممتلـي زمـرة حديـث واسإلـه
ودي لحكيـك انطـرب تتشربـه كـل العـروق=ودي اطالـع وجهـك الـي ذلنـي واتأمـلـه
واشبك يديني في يـدك واناظـرك وبكـل ذوق=واحكيلك الكلمه وابـي لاقلـت حكـي تكملـه
بجلس معك لين المسا وآحاكيك لين الشـروق=وبعد الشروق آحاكيك لين المسـا يبـدا أولـه
ابغى عيوني تمتلي من شوفتك واشبـع واروق=وابغا المسامع تشرب الي قلـت كلـه بأكملـه
لاني عشقت الضحكه الي طبعها طبع السـروق=تدخل بـدون تشوفهـا تاخـذ غـلاك بمجملـه
تفتح مشاعر خافقك تطمر حنانك طـوق طـوق=وقلبك تفكـه لـو كنـت محصنـه ومسلسلـه
إلين تاخذ كل ماتملـك مـن الحـب الصـدوق=ثـم اسرتـك بحبهـا سبحـان ربـن جمـلـه
غرون صغيرن سنها لاكن حلاها فـوق فـوق=ماينوصـف لـو بوصفـه لوقلـت ماتتخيلـه
جيته وانا كلي ضمى وابيـه يرويلـي الخفـوق=جيتـه ولافينـي صبـر وبعادهـا متحمـلـه
[/poem]

__________________