وحنا صغار ..
زرعنا في تراب الحلم ...حلم ويشبه العصفور ..!
لكن طااار !!
وكنا صغار ..
ويتفتّح صباح ٍ غارق بغيّه مثل تفتيحة الأزهار
ولا ندري متى نمنا..!
وكم نمنا ..!
وش اللي صار !!
وصوت الوالد الحاني : يالله قوم !
أمان ودمعة استغفار !!
وريحك يارغيف امي ..
سوالف هااااااادئه واشعار !!
وأتريق مع اخواني ..
وتتريّق عيوني وجه ابوي الدافي الحاني ..
واصك ّ ازرااار !!
وآخذ شنطة أحلامي على اكتافي ..
واصحّي بخطوتي درب ٍ طويل ومظلم وغافي !!
واروح امشي ل مدرستي ..
واناديها :
يامدرستي ..!
علامك ماتنفستي !؟
سوالف طفل ضحكاته أناشيد وغنا وامطار !
متى نرحل عن اسوارك ..
بعد ماكنّا شطّارك ..
نبي مره ولو مره نحسّ إنا غدينا كبار !!
هنا كانوا لي اصحابي ..
هنا ضاعوا مع العابي ..!
هنا ياكم نخبّي من براءة ف علبة الأسرار !
وصرنا مثل ماكنّا إنتمنّى !!
والغريب اش صار !!
رجعنا كبار نتمنى لو إنّا بس بقينا صغار!!

__________________
سَترحلونْ
وَ سيبقى مَآ تخطّھ أيديگم !!
وَ مَآ تضعونھ من صّور وَ مقآطع ،
فَتخيروآ مَآ يقربگم إلىَ ربگمْ
وَ مآ يجري عليگم الحسنآاتْ