رد: اضحك على البنات هههههههههه
اسمع عيني دولة الرئيس
هذا الحجي مو تفرة علية !! ترة آني قارية وصايحة آمين
وكلشي بهالزلك اعرفه
انت جبت الموضوع من راسة الساسة بلهجة عراقية صِرفْ
واتصور آني الوحيدة افتهمته حرف حرف
اي دير بالك ترة آني طكوك مو للبنكة لا عيني لا
طكوك لابو موزة بس مو حواسم
ثم تعال هنا وكوللي بربك انت بالاصل تعرف مفردات الموضوع ؟
اي يا اخي على الاقل ترجم الكلمات للناس
ما ادكلك على صدري واكول آني اشرح وأوضح الموضوع
انت جبته وانت تشرح المبهم والغامض من الكلمات
لان هنا بالمنتدى اكو من المغرب واليمن وتونس
وعدنا عضو من موريتانيا بالمختصر من كل البلدان العربية
وشنون راح يفتهمون الموضوع ؟
صير خوش ولد واشرح للاعضاء
ترة والله افلشك تفليش
هاي آني هسة ساكتة وانتظر التوضيح
اي مو عبالك راح اعوفك هيج تياه
لا عيوني ترة مو كل مدعبل جوز
اعتبر كلامي الك تهديد بس من الوزن الخفيف
بعدك ماشايفني من انطيكياها بالوريد
على كيفك اغاتي ويانا وصير حباب
وجيبها أوجن أوجن
ها شكلت تحجي لو اسويك شذر مذر
واشمرك بأكرب شط ؟
واكطع ايدي مو من المعصم اكطعها من الجتف
اذا احد افتهمني شدا احجي هههههههه
يمكن جم حجاية معروفة
بس كل الحجي ( تشكم ) يعني ابد
وين الهمام لو ناظم العربي لو عمر الجبوري
جان فلسوه للموضوع
__________________
اللهم اغفر لي ولوالدي
وللمسلمين والمسلمات الأحياء منهم والأموات
يوم يقوم الحساب..
|