ابدا اول المشاركات بهذه القصيده الرائعه
للشاعر -محمد بن فطيس
ماجور ياللـي مـن فراقـك تعلمّـت
ان الزمـن يومـيـن طيّب..وخـيّـب
فاجئتنـي بمفارقـك مــا تولـمّـت
كـذا بـدون اسبـاب عنـي تغيّـب؟؟
مامـت مـن فرقـاك لكـن تألـمـت
وراسي مشيّب لو مـا راسـي مشيّـب
ولولا السحا من عاذلـي مـا تلعثمـت
طاولته اللي فـي يـدي مـن قريّـب
اضحك واسولف وان لحقني سهر نمت
لكـن قـسـم بالله مـانـي بطـيّـب
اكافح اهل الشمت بالسمت ..والصمـت
ومن شوفتـك صدفـه قعـدت اتهيّـب
اخاف اشوفك واكسر الصمت ..والسمت
وادعيـك تـو النـاس وانـا مغيّـب
جيشك علي ما فـاز وانـا استسلمّـت
وذل المحبـه ذل مـا هــو يعـيّـب
تدري من المخطي ولـو مـا تكلمـت
ياللـي لضنـي ضنتـي مـا تخيّـب
حييييل تعجبني أحسهآ وآقعيه وصريحه مآفيهآ مبآااالغه ..
لآسيمآ هالبيت :
اضحك واسولف وان لحقني سهر نمت
لكـن قـسـم بالله مـانـي بطـيّـب
أحسه واقعي حييل ومؤثر وصآدق بنفس الوقت
عكس الشعرآء اللي يموتون من الفرآق وأنا مآعشت وأنا مدري شنو
وهو بحيآته العآمه لو سمع نكته ضحك !!
__________________
|