المشاركة الأصلية كتبت بواسطة شالى بختك

انا عادني جديد لنج في منتداكم ولبعد حد رحب بي لكن والله يا صاحبي ان ماضوعك اعجبني جم الكلام قل ليش ؟ ليش انه يتكلم على شي مثل عين الشمس واضح مره واحدة ولكن اهل خوره مثل ذي قال المثل قال هاك الرزق قال ماشي معي له وعا
وانت امانه انك صبت النصع يوم قلت لاقد سقط الساقط معاد شي حل والله يا صاحبي ما ودواحد ان المشاكل تكبر لكن الجماعة الكبار سلموا امورهم للعواقب ومن ابوه رامي قيس ان الرمايه وراثة ما يعل انها تدريب وقيس على ذا الهرج ما يصلح لك مثلما البتول ما يقع ابنه بتول ولاالباني ابنه باني ولا الكاتب ابنه كاتب ولا العاقل ابنه عاقل ولا الطيار ابنه طيار الا بتدريب واصحابنا ما هم فاضين وخصوصا شيبانا ماهم خليا يروون الصغار طريق الصح من الغلط
وكلما سمروا الرجال ذكروا في قصص لولين فلان قصر ساقية الفلاني خمس ولا عشر سنين ومن هذه الحكايات ملت روس العواقب ولا عاد القو لهم مهرة وكن القصران ذولين قات بايمتاغ بهن الواحد
اما مشاريع الحكومه ياصاحبي وربك لعلى ان الواجب ان حد يوخذ ماجاه لانهم قدهم يدورون عذر لاشي مشكله مابا يقلون مشروع واحد وما معنا الا لقول الله يهديهم على الطريق الصالح
وان هم يبون الناس تتلذذ فيهم وتضحك عليهم قد كلن عقله في راسه
اما انا شفت المغفور له بأذن الله الملك فهد بن عبد العزيز يوم قبروه في السعوديه ما ريت معه لادفتر شيكات ولا براميل بترول معه عمله الصالح فقط واصحابنا يقيسون انهم بايسرحون الدنيا معهم
قال لك لول لادامت لغيرك ما وصلت اليك ولادامت لك ما وصلت لغيرك والعفو ياصاحبي شف رص الكلام ما يطيعني له وذا ذي قدرت عليه معك ليش ان الهرج اعجبني والسلام