اليكم القصيده يـا جماهيـري وهـي خطـرهـ :: وخلوا هالرقابه تسجـن الشاعـر وجمهـورهـ

هدوءاً أيها الساده حضـور الحفـل والسهـرهـ :: مساء الخير عالصاحي واشوف الناس مخمورهـ

انا اسف على اﻻ‌زعاج ولكن طـارت السكـرهـ :: ذكرت اني قبل ساعات اصيل وعزوتي نـورهـ

على فكره....الكرفته عجـزت افكهـا عسـرهـ :: ابي واحـد ينزلهـا او أي وحـده ومشكـورهـ

وابي ثوبي.. جيبولي ثوبي اﻻ‌شهب مع الغترهـ :: قبل والله ﻻ‌طربقها علـى هالحفـل بحضـورهـ

وﻻ‌ واحد يتكلـم قبـل مـا اخلـص النشـرهـ :: ومن يحكي قسم بالله ﻻ‌ ادوس برجلي حنجورهـ

تراها قفلـت يـا سـادة بـﻼ‌دي ويـا ستـرهـ :: وهي ما دامها خربت باقـول الليلـه الثـورهـ

انا بحكي من اول يـوم جيـت لدنيتـن قـذرهـ :: وتكرم عـن قذارتهـا بيـوت الله ومعمـورهـ

انا مولود في ليلة شتاء مـع بردهـا مطـرهـ :: في خيمه وسط صحراء ما بها سستر ودكتورهـ

انا يا حضرة الساده غريب وضاع من صغـرهـ :: لعن جدي زمانـي بيـن مدهـوره ومهجـورهـ

حملت من الشقا ما ﻻ‌ يطاق وجايكـم بذكـرهـ :: وﻻ‌ني عاجز اتحمل واموت بنفـس مقهـورهـ

وانا ادري يذبح الرجال كثر الصبر فـي قهـرهـ :: وعن قهر الرجال المصطفى حـذر ومذكـورهـ

وهم قالوا مفاتيح الفرج للحـي فـي صبـرهـ :: وانا اشوف الصبر مفتاح ضاع وزاد طابـورهـ

تعبت ألملم ايامـي بيديـن الهـم والحسـرهـ :: تعبت المع البرواز وامسـح غبـره الصـورهـ

تعبت ابوس كف الجوع وخشم الفقر طال عمرهـ :: تعبت اكذب على الحاجه واقول الحال ميسورهـ

تعبت احمس من القهوه واحط السمن والتمرهـ :: تعبت ودلتـي وحـده وكـل شـوي منثـورهـ

احسب العز بالدله وبيـت النـذل بـه عشـرهـ :: دﻻ‌له اكثـر الملعـون ومليانـه ومصطـورهـ

انا بحكم البداوه انـزرع فـي داخلـي بـذرهـ :: عن علوم المراجل الف بـذره فينـي مبـذورهـ

تربينا على الديـن ونطيـع الله مـع شكـرهـ :: تعلمنا نصلي ونحفـظ القـران وكـل سـورهـ

تعلمنا نحـب الضيـف وفينـا الكـرم فطـرهـ :: تعلمنـا نقـول الـصـدق ﻻ‌ لـفـه وﻻ‌ دورهـ

تعلمنا نحلب النوق ونعرف وش هـي البكـرهـ :: تعلمنا الضمى وحنـا بايدنـا البيـر محفـورهـ

تعلمنـا وكثيـر الـي تعلمنـاه وش كـثـرهـ :: اخذنـا درس بالدنيـا بـﻼ‌ دفتـر وسـبـورهـ

وانتم يا سكار الحفـل عفـوا ايهـا الزمـرهـ :: من هو فيكم عرف قهر الزمان وظلمـه وزورهـ

من هو فيكم وطاه الجوع وذله واصفقه فقـرهـ :: من هو فيكم عرف يحتاج للقمه ونشـف زورهـ

من هو فيكم من الضيقه حفر باصابعـه قبـرهـ :: من هو فيكم رقد ليله وسط اجسـاد مقبـورهـ

من هو فيكم مشى حافي برمضن كنه الجمـرهـ :: من هو فيكم سهر ليل الظﻼ‌م بـدون اباجـورهـ

من هو فيكم ما طاح الفين مره وسلمت الجرهـ :: وانا من قبل اطيح وجرتي بيدينـي مكسـورهـ

لكم الماء والوجه الحسن والمـال والخضـرهـ :: ولنا حنا الضمى والجوع وفقر وشيفتن عـورهـ

وﻻ‌ مره حظي ضحك بوجهـي واشكـره مـرهـ :: وغيري مبتسم حظه وكـل ايامـه مسـرورهـ

كتبت الشعر من صغري وبيوتي ما بها كسـرهـ :: وانتم تبرزون الـي كتـب بيتيـن مكسـورهـ

انا يا حضرة الساده فقيرن ما اغتنـى بشعـرهـ :: مدام المومس الي تشري اﻻ‌شعـار مشهـورهـ

وانا يا حضرة الساده هنا الليله وعلـى فكـرهـ :: ترى هالبدله مسروقه ورجلي بجزمه محشورهـ

ولكن قلت ابحضر هالحفل والعمـر باختصـرهـ :: وابي ابدع معاكم وسط ليله انـس ومحـذورهـ

واذا كانت رجولتكـم بكاسـة ثلـج والخمـرهـ :: انا بشرب بدون الكاس وثلجه الـف قـارورهـ

ابويه قال لـي مـره دسـم شاربـك بالغبـرهـ :: ما يدري بالشنب محلوق وجابر فاقد شعـورهـ

انا بامشي مـدام الليـل ودع وابتـدى فجـرهـ :: باروح ارد هالبدله علـى هالمعـﻼ‌ق مـزرورهـ

وانا ادري يا كلاب الحفل اني بالسجـن بكـرهـ :: مدام الليله جبت العيد بهذا الحفـل وحضـورهـ


تحياتي الذيب العولقي

الله يعافيك

تسلمي على المرور