أ‡أ،أ£أ”أ‡أ‘أںأ‰ أ‡أ،أƒأ•أ،أأ‰ أںأٹأˆأٹ أˆأ¦أ‡أ“أکأ‰ عناد (أ‡أ،أ£أ”أ‡أ‘أںأ‰ 737868)

يسعد مساها والهوى هو هواها
من قلب ..ماهو قلب !! لا والله قلوب ! .

. حبيبتي.. وأروى ليا قلت ماها
زلال .. طاهر .. سكْرته ..ياهي اسلوب! .

. تحتاجني ضحكات تجرح عناها
واحتاجها دمع(ن) يوردني حروب .

. كم ليل سامرته وقلبي معاها
وكم صبح ناديته ..وكم جرح معطوب .

. حنا انكتبنا قصة(ن) من قراها
يعرف بأن الحب راغب ومرغوب .

. ماهي رواية صاغها من رواها
خيّل له الموضوع من نسج مكذوب .

. حقيقة الايام لا اقبل رضاها
تزف حلم (ن) عايشه شخص موهوب .

. خصه زمانه بالصراحه وجاها
متوشح(ن) بالصدق والظن محسوب .

. من غير موعد والرضا في سماها
كانت دفا واكثر .. والاحساس ملعوب .

. سابقت حرفي لجل غايه مداها
ماينتهي بالشوق .. والدمع مشروب .

. دام الحكي مسموح والشعر باها
سلمت أنا نفسي لما كان مكتوب .

. والسالفة ماهي رسالة غلاها
السالفة مجنون في حزة غروب .

. ايدَيّه شابكها ونبضه عطاها
مفتاح باب(ن) ارخصه لجل محبوب .

. دليل شاعرها بقمة وفاها
يترجم احساسه من الشعر مسحوب .