ناصر القحطاني


يمه أذنبت ونزحت من العشيره
............... وان تمنو توبتـــــــــــي مانيب تــــــــايب
ما ابي لدنيا الغنادير اي سيره
............... طايحٍ من عــــــام الاول فــي مـــــصايب
يمه اللي حب له طفله صغيره
............... وش يســـــــــوي لا غدا فيها طــــــلايب
طفلةٍ ماكانت بحبي جديره
............... بس كانت غير عـــــــن كـــــــل الحبايب
كنت أسميها العنود المستثيره
.............. ليت أهلها العام ســــــــــــموها عجايب
كنت أجيها مثل الامطار الغزيره
............... كنت أضيـــــــع بجوها مـــــــثل الهبايب
وأطلب الله هي متى تصبح كبيره
............... تفهم وشلون المـــــــكان يصـــير ذايب
إن تغنت صارت الطرقه قصيره
............... وإن تغلت صارت جروحــي عطايب
وإن بكت ناش الفضا طهر الفضيله
............... وان شكت راح الحـــكي مثل الذهايب
وان توارت مثل الاسرار الخطيره
.............. صار لوني مثـــل الايام العـــــصايب
ديرةٍ ماهي بها .. ماهيب ديره
............... لو ثراهـــــا عشب وأعلاها سحايب
يمه تحبين طايلت الظفيره
............... آآآه والله ياعليــــــها أشـــقر ذوايب
ان تحرك له سواليف كثيره
.............. وان ركد روَح مــــثل لــــــمة قـــرايب
عرفتني الليل ونجوم الظهيره
............... بللتني بأغنــــيات ورحــت طــايب
كل عرقٍ في خفوقي تستثيره
.............. خايفٍ تصبح مراجيـــــحه نصـــــايب
صنتها مثل البحر لأبعد جزيره
............... ماتركت علــــومها لأهــل الركــايب
قالت إن جا الراس شايب فيه خيره
............... قلت يابنت الحـــــلال الراس شـايب
قالت إلا الحب وشهو وش مصيره
............... قلت أنا أستاهل وأنا كل الســبايب
ماجزى اللي حب له طفله صغيره
............... غير قبر وضحكها فوقه نصـــــــايب