منتديات شبكة خورة العربية - الشاعر ماجد احمد علي سعيد الدياني مرثية الشيخ سالم صالح احمد لصور

http://up.g4z4.com/uploads/1c97bdbbcf.gif

مرثية الشيخ المرحوم سالم صالح احمد لصور
********************
جاني خبر عبر اتصال التلفون
خبر صدمني فجر اعماقي وركاني
قال المخبر مات ما زبن الزبون
بن صالح احمد ذي عسر ما مثله انساني
قد زاد حزني والحزن ما جاء بدون
هذا الخبر صدمه قويه يا آل ديان
الشيخ سالم من جليلين القرون
اسوى خبر في ساعة العصريه قد جاني
ما يوجع الموت حمران العيون
والشيخ سالم راسهم حمران لعياني
والليلة عيوني على فرقه ذهون
الله يصيب الموت كم مرات بكاني
ذي خذ علي جود ذي ما ينتسون
ريت ما خذهم ولا بيجي لهم ساني
اهل العقول الواسعه ذي يعتزون
ليته تركهم او عمد قيسي وعزاني
ما هي بطعنه كم قلبي طعون
تعبت من حزني وحسراتي وطعاني
حذاقنا من في مكانتهم يكون
والموت يهدمهم ولا حد بعدهم باني
وما حد مثلهم باقولها بالمكرفون
الناس ما هي شيء سوى ليسر وليماني
ما باليد حيله والجماعه يصبرون
من منطقة جاران لما قدو زهواني
غبني على سالم غبيني بالغبون
غبني على لجواد يا غبني بلغباني
فراق سالم بالحقيقه ما يهون
يا غبن محسن خوه واحمد هو لخواني
الله يصبرهم ورب العرش عون
من بعد سالم كلهم ما خص يا فلاني
الموت قالوا حق وانتو تعرفون
ما با يخلي آدمي ما راس مصطاني
يا حمد عمر قل لآل للصور يقبلون
كل العزاء مني ومن خوتي وجيراني
هذا من الله ذي نزل وانتو ترون
ما حد على الله لا قوي شارد ولا واني
ما ودما فرق العسر فرقه جنون
غصبا علينا ذا من الله للبشر كاني
ريت ذي ماتو علينا يرجعون
يا ريت سعده كان ما حد قر وحداني
لكن ذي راحو ا امانه ما يجون
ليت التماني صدق كان اهلي بعنواني
يا ما بكت عيني ونا بين الحصون
ولكن ما شيء فايده اعلنتها علاني
يا عم محسن كم سنه با تحزنون
حاولت ابا تناسى ولا خلتني احزاني
لا ريت لادم في المقابر يقبرون
اذكر عمامي كلهم والدمع شناني
من بعد سالم يوم سالم له شئون
الله يعينك ربنا ذي ساق لمزاني
والختم صلوا عالنبي طه الحنون
ذي جاب دينه نور علمني وسواني

صح لسانك ماجد
ورحم الله الوالد سالم صالح لصور بواسع رحمته

http://up.g4z4.com/uploads/e4ecafd24a.gif