منتديات شبكة خورة العربية - أجبروها في غيابي

البارحه يوم المساء شرف وودعت النهار علي فراشي أتجلد كن فالخفاق نار
هاجت قريحة مهجتي وأبديت مآبي باختصار لعلها تشفي جروحي وأتلاشي علتي
يالله يارب العباد الطايعين الساجدين أنك تعين الي صبر وصبره مع الصابرين
ون واسمع ونتي تفرق عن كل الونين من ون تظهر ونته وأنا بصدري ونتي
والعمر يمضي والصبر أظنه وصل مداه وأصبح هدف عمري سراب يوهم عيوني سراه
تعبت واحفيت أقدمي وأنا أمشي ورآه لو للحيا صرخت وأسمعت الخلايق صرختي
ضاعت حياتي واسمعوا بالله وشهي قصتي الله لايرضي علي الي ضرني في دنيتي
اضحك وأجامل للبشر وأكتم بصدري عبرتي الله يفرج ضيقتي الله يفرج ضيقتي
عمي وقف ضدي وأبوي وقف ضدي بعد حتي أقرب الناس لقلبي صد عني وأبتعد
كني مع الحيره والأحزان دايم في وعد صكوا علي جملة دروبي واحرموني ضحكتي
كيف احرموني من هوي بالي وخلوني وحيد كيف احرموها واغصبوها والغصايب ماتفيد
كيف أظلموها واوهبوها واحدا منها بعيد كيف أحرموها حلمها كيف احرموني منيتي
أحب أقول أني لها لو وقفوا من دونها بصبر علي ظلم القرايب لجل نور عيونها
ولو أجبروها في غيابي حالفا ماأخونها بدعي لها في سجدتي وبدعي لها في ركعتي
لنها وفيه والوفاء يجري في دمها لاكن جزاها من وفاها ظلم أبوها وأمها
وأنا الذي من همها شلت همي وهمها وأنا الذي راضي بما يجري علي وقدرتي
أحبها وادري أنها نورت دربي بالحيات تجمعت فيها حسينات الطبايع والصفات
ولاينسيني غلاها كود قبري والممات ولا أطيع من هو فالبشر فيه يغير نظرتي
لاشك أغليها غلي ماتجمعه كل الجموع في قربها كني ملك وفي بعدها ملتاع لوع
أغلي من قلبي الي وري حدب الضلوع وأغلي بعد من دنيتي واغلي بعد من دمعتي
هذي الحكايه كلها عنوانها دم الجروح ياعم فيها عن جميع الهم أستكشف وأبوح
وارفق بحالي وارسم البسمه علي الوجه السموح أنا أنتظر منها اللقاء وهي ترقب رجعتي