منتديات شبكة خورة العربية - وستبقى سر يسعدني وهم لايشعرون

البَارحَه هَبتْ هَواجيسي فِــ صَدري .. مِنْ جديدْ ..
سوالفٍ تَشرهْ عَلى قَلبي .. بـ حلمٍ ضيّعَهْ ..

لاهنت يَا جَرح الزّمنْ .. حَقـَق مرادك مَا يريدْ ..
أهْديتْ للخَافق جرُوح .. وهو رفَع لكْ قبعهْ .. !

يَا ويلْ حَالي مِن شقَى اللّوعَه .. ويا قَطع الوَريدْ ..
عَلى آخر جُروح الصّداقه .. والطّعُون المُوجعَهْ ..

قَلبي مصَفّي نيته .. لَو كل مِن حُوله ضديدْ ..
يبقَى الجبَل مهمَا وطتهْ الريحْ .. مَا هِي تزعزعَهْ .. !

مِن طاحْ مِن عيني .. مَا عَاد يهمْ .. يَنقصْ أَو يزيدْ ..
اللي ينزلْ قَدرهْ بـ نفسَه .. هُو اللي يرفعَهْ .. !

ريحت قَلبي مِن عَنا الدّنيا .. وأنَا اللّي مستفيدْ ..
مَا دامْ قَلبي ما لقى فــ الوَقت .. شيٍ يقنعَهْ .. !

إلا رفيقٍ يجبر الكَسر وعلى الشّده .. عَضيدْ ..
هَذا منَى قَلبي عَلى الدّنيا .. وهَذا مَطمَعَهْ ..

أَضحَك .. لَو إن الضّيقَهْ اللي فِــ الحَنايا .. تستزيدْ ..
لينْ أقْهَر الضّيقَهْ .. وأخَليها تفَارق .. فَـ السّعهْ .. !

لا خَانك الوَقتْ الرّدي .. مَا للحَديد .. إلا الحَديدْ ..
اللّي شَراك أهدَه وفَا .. واللّي خَذل عَهدك .. بعـهْ ..

تَمشِي المقَاديرْ بـ هَوى الراضِي .. وتلعَبْ بـ العَنيدْ ..
صِدْق اللّي قَال .. إنْ طَاعكْ الوَقت الرّدي .. وإلا طعَهْ .. !

العمر بـ أيّامَه قطَار .. وراكبٍ سكّة حَديدْ ..
و تمرْ لَحظاتَه ما بينْ المحزِنَهْ .. وَالمُمتعَهْ ..

كِل الحَياه دروس والدنيا عِبر .. والمستفيدْ ..
اللي خَذا من جملةْ الدّنيا .. دروسٍ تنفعهْ ..