|
دورة الأيام للشاعرة الإماراتية زهرة المازمي
أصارع دورة الأيّام فيني والأمل مفقود
أكابر وابتعد والقى حقيقة واقعي وياك أحاول أحسم الموقف وبابك للوصل مسدود حسافة يضيع بي وقتي على شوفك ولا القاك أشوف الماضي الحاضر يلوّن بي ليال ٍ سود غريقة بهم وآلامي وانته عايش ٍ دنياك فعيش اليوم ذا وحدك وانا لي الخالق المعبود تهنّى بالفرح بعدي مع اللي مثلك وشرواك دخيلك ابتعد عنّي ولا تنثر غلاك ورود ترى فيني ذبل حبّك وتاه الشوق في منفاك عسى الله يسمح دروبك تنال السعد والمقصود وتنساني اذا تسمح ولك منّي وعد انساك كفاية لعب باحساسي معاناه وألم وصدود أنا لي نفس ما ترضى أعيش العمر في رجواك نعم انهيت أنا حبّك محال انّه في يوم يعود وانا ذا اليوم بعلنها قدرت أنهيك واتحدّاك |
رد: دورة الأيام للشاعرة الإماراتية زهرة المازمي
صح لسان الشاعرة
ويسلم يمناج على النقل غناتي |
رد: دورة الأيام للشاعرة الإماراتية زهرة المازمي
سيدتي
صح لسان شاعرتها مليون ولايسدووون وتسلم يمينك يارائعه على هالذوق بالاختيااار لسموك من بساتين الورد باقه |
رد: دورة الأيام للشاعرة الإماراتية زهرة المازمي
|
رد: دورة الأيام للشاعرة الإماراتية زهرة المازمي
[align=center]
صح لسان زهرة المازمي وسلمتي لنا اختي الكريم قصيده في منتهى الروعه اهني كاتبتها على هذه الكلمات وشكرا لكـ [/align] |
| All times are GMT +3. The time now is 10:51 PM. |
Powered by vBulletin® Version 3.8.11
Copyright ©2000 - 2026, vBulletin Solutions Inc.