منتديات شبكة خورة العربية - يبقى الوفااء مع الاوفياء

ريم شافت حبيبها بالسوق وقالت

بعد خمس سنين مرت و أنا بالسوق شفته

صدفه جابتني لدربه من بعد خمسة سنين

والله أني ماسمعته كلم البايع عرفته

ألتفت بلهفة أللي حيل مضنيها الحنين

لكن الصدمه عظيمه شايلن بيده بنيه

ومعه أم البنت تمشي شابكه فيه اليدين

وقتها دارت بي الدنيا وحزني مأحتملته

حارت دموعي وأوآسي نفسي :ياريم:اليقين

وصرت أفكر

يعني يعرفني مثل ما أناعــرفته

وألا ناســي قلبي أللي مارضى بغيره ضنين

دق جواله ونزل من على الأحضان بنته

وخثعت بنته ونادى:ريم لا لا توقعين

قمت أناظرها ودمع بعيوني ذرفته

استوت هالدنيا عندي عادي لو موتي يحين

انحنيت وأبوس ريم وخدها الأيمن لمسته

التفت لي وقال لي : ياهيه فيها وش تبين

قمت أتجاهل وأسوي نفسي كني ماسمعته

قال:يااختي
ابعدي عنها ولاتستهبلين

ويوم قرب لي بعيني من ورا البرقع خزرته

وأنكسر صمتي وقلت:
الله على الدنيا يعين

طاح جواله تلعثم قال:

أنا بحلمن حلمته

وألا واقع

فهميني ليه عني تبعدين
ليه عني ماسألتي وأنا هذا الكون بعته

لجل عينك ياعيوني ومأظنك تجهلين

أنا من بعدك ياريمي حتى طاري العرس عفته

ناظري فيني وشوفي كيف من بعدك حزين

والله أني ماأنام وألا وماضينا ذكرته

أنتي وحدك

من جعلتي قلبي القاسي يلين

أقسم بربي غلاك بيوم ماعمري جحدته

ماألتفت لبنت غيرك ماسمعت العاذلين

ماسهجت دروب غيرك دربك اللي بس سهجته

وش أسوي لجل ياروحي كلامي تصدقين

حتى شوفي

هذي أختي تشهد بصدق اللي قلته

وهذي طفلتها على أسمك اسمها وتستاهلين

صدقيني مانسيتك

حبك الصادق حشمته حتى حرف الراء منك

باقي له بأذني رنين

قلت: أنا والله صنته

حبك اللي كان أصفى من ورود الياسمين

كم طلبني واحدن غيرك وأنا لجلك رفضته

وكم تحملت الغثاء واسمع شماتة شامتين

وكم لجل عينك بكيت وحتى ليلي لك سهرته

حيل ذابحني غيابك وفرحوا بي الحاسدين

وأنت تدري بأن حبي مأبالغ لو وصفته

بأنه أصدق حب يحصل في حياة الصادقين

قال لي : يا ريم

ربي يشهد بدمعـ’نـ نثرته

ويشهد أني وافي لحبك ولأسرارك أمين

أرجعي لأبوك قولي نصفي الثاني وجدته

واحتريني جايبـن مهرك ودبلة باليمين

ابتسمت

وقلت في نفسي حرام أني ظلمته

ثم طلعت من المحل والفرحه بعيوني تبين

وقمت أتمتم في طريقي

هذي أخته

هذي أخته

وآآآآآه يازين الوفاء لاصار بين العاشقين.