منتديات شبكة خورة العربية - الدنيا مسرح كبير .. وانت فية آسير

منتديات شبكة خورة العربية (http://www.khorh.net/vb/index.php)

- قسم الخواطر وعذب الكلام (http://www.khorh.net/vb/forumdisplay.php?f=20)

- - الدنيا مسرح كبير .. وانت فية آسير (http://www.khorh.net/vb/showthread.php?t=51311)

الدنيا مسرح كبير .. وانت فية آسير

قبل ما يترفع الستار ... !!!

دقت تلات دقات ...

عاملين زي الإنذار

لفتوا جميع الأنظار

يا هل ترى ده الصوت .. ؟

خطى الحياة اللي جاية

ولا النذير للموت

الدم ولا القوت .. ؟

يا قسوة الإختيار ..!!

وأنا قشة في الملكوت

رفع الستار .. إنتبـــه .!

إنسى الهزار والجد

إنسى الهموم واستعد

طاوع لدورك المستبد

لا إنت البطل في الحكاية

ولا إنت زينة الصبايا

فإسمع كلام الملقن

وإنسى كلام الرواية

والزمن دوار

والدنيا مسرح كبير

وده مسرح التجار

لما يدور الزمن .. !!

بيغير الأدوار

لو يوم هيحكم قرد ..!!

إياك ترد

رفع الستار .. إحتـــرس .!

أوعى تغيب مع الأوهام

ولا تسرح مع الأحلام

ولا حتى يهرب خيالك

ويا آهات الغرام

قبلك كتير إتخايلوا وإتمايلوا

ومع الهوا مالوا

سحر الغرام شدهم

ولهمهم شالوا

وقالوا زي ما قالوا ..!!

مين اللي يسمع

في هب الريح وخياله

كل اللي طايله .. حلاله

وكله طالب وصاله

وإنت على المسرح واقف وبتهرج ..

لاراحة ولا مخرج

الكل زيك يا صاحبي واقف بيتفرج

نار الندم ف القلب حامية وبتسهرج

وخشبة المسرح هي أساس الغواية

ولا إنت يابني نبي .. ولا إنت آية

رضيت بوهم البداية

فإسمع كلام الملقن

وإنسى كلام الرواية

وإشرب كاسات الالم

حتى ستار النهاية

رفع الستار .. إتـــخرس .!

دورك ماهوش مكتوب

دورك ماهوش وارد

دورك ماهوش محسوب

إتبع طريق الغواية

سيب الهواية وتوب

إنت ضعيف الكيان

وحدك ف قلب الميدان

متلهوج الأنفاس واقف زي الكورة

مرعوب من الحراس والنفس مكسورة

وماعدش في القلب نبض لا لغنوة ولا صورة

فاسمع كلام الملقن

وانسى يا صاحبي الرواية

نزل الستار .......!

وإنت لوحدك والمطر والريح

يحاوطك الصمت والظلام في ضريح

ماعرفتش دورك يا صاحبي ..!!

ماعرفتش يوم ما تستريح ..

قريت فوق جبهتك كلام أشعار

زى البراعم .. معطر الانوار

كلام يهز الجبل

مفيش يا ناس أعذار

اللي يموت ف الخلا من غيرحبيب أو دار

واللي يموت من سكوت الليل عن الإبحار

واللي يموت يأس من عجزه عن التفسير

واللي يموت .. لحظة نزول الستار .

http://www.as7apcool.com/vb/images/smilies/tape.gif http://www.as7apcool.com/vb/images/smilies/tape.gif http://www.as7apcool.com/vb/images/smilies/tape.gif http://www.as7apcool.com/vb/images/smilies/tape.gif

بالفعل الدنياء مسرح كبير

فيها الغني وفيها الفقير

فيها العبد وفيها الامير

فيها الحر وفيها الاسير

وفيها نغدو نسير

نحو اجآلنا ونحو المصير

فهذا معافا وهذا كسير

وزال الستار وارتفع الخمار

ودين المحبه يكون الشعار

هناك نعود لا لا خيار

هناك المآب لجنه ونار

فلا ليل يبقى تجلى نهار

ولاضلم يبقى يليه انتصار

ولابد لمضلوم ياتيه اعتبار

فزال الستار بدار القرار

اما بجنه او بنار