منتديات شبكة خورة العربية - يابوي ليه تبكي كل ما شافتك وعينـك لـي

يابوي ليه تبكي كل ما شافتـك وعينـك لـي
تخاف أموت يابوي ... وقبل الموت تبكينـي
تكفى يابوي لا تبكي وأنا موجود معك وحـي
أجل بعد الرحيل أشلون في قبـري توطينـي
يابوي لو تموت النـاس ماتسوىدموعـك ذي
وأنا يابوي ميت قبل أموت وأنـت محيينـي
قسم بالله يابوي لجل عينـك شربـت الغـي
جرعت الهم والحرمان وبحر الويل يسقينـي
تحملت السنين اللي طوتني في عذابي طـي
وصار الجمر بكفوفي .. وتحت أقدام رجليني
يابوي ماعلى عمري حسافه ولا بقا بي شـي
ولكـن بطلبـك يابـوي تكفـى لا تخلينـي
يابوي مابي غيـرك يغسـل جثتـي بالمـي
وتكفى قبل لا أتكفن .. يابوي فكلـي عينـي
بأمر الله يمكن ألمحك وأرحل في عيني ضي
وودع وجهك الطاهر مـع دنيـاي وسنينـي
وخل الناس تحملني وترفع راسـي ورجلـي
وتأخذني على قبري وتكسب أجرهـا فينـي
وأذا جيت القبر يا بوي نزلني شـوي شـوي
ووجهنـي لبيـت الله .. وقبلـه المصلينـي
وحط الطين وأدفني وعزاللـي يعـزي فـي
ثلاث أيـام يابـوي .. يواسـوك المعزينـي
ورابع يوم يابوي تذكر .. ضحكتي وعينـي
تذكر وش كنت أقـول يـوم أنـك تنادينـي
تذكر يوم كنت أنام في ظـل النخـل والفـي
تجي يمي تصب الما..على وجهي وتصحيني
تذكر جرة الموال وصوت في حبالـه كـي
تذكر يوم أغني لك قصيدي وانـت توحينـي
تذكر ضحكتك لا قلتلك يابوي عشقـي هـي
تذكر كم قصيـدة خافيـه مـا بينـك وبينـي
تذكر كل شي كان وأذكـر يـوم انـا حـي
ولكـن أسالـك بالله يـابـوي لا تبكيـنـي

منقول