منتدى همس المودة - عيني شابره

مراحب

الشيخ هو لقب ليس إلأ

هو احمد عبدالله على الصميمي

يقول

الشيخ عيني شابره باخر مديل – شوقي لها مشتاق عنتر لاذكر عبله

ذي من قفاها اخبت ولا خلي وصيل – والقرن لاهو بيد غيري بترك السله

والهم واجد والتعب بي في الرجيل – والشوف يتقارب وقل السمع في الطبله

رديت عليه وانا قول

يالشيخ لاتشبر قدا تمر النخيل – مادامك مبهذل وعمرك حالته حاله

الفن لهله والجميل اسمه جميل – والزين وده زين مثله لا دله يدله

ليمنعك الليله تبدل بك بديل – وزقل حمد لول وجب فنان في بدله

واترك مثل قالوه في الزام الدويل – ذي قال لك بوزيد حتى داخل الشمله

يوم المحبه ماتجي شي بالصميل – تبا كلام اخضر كما زرعه على مكله

ماقط شافت شمس في الضل الضليل – تشرب كرع صافي من اطراف القنف نزله

ولا تبا رجال في طبعه بخيل – تبا كريم الكف تبلغ مدته وغله

يصبر على برد الشتى وحر المقيل – ويحمل المحبوب لاجت منه الزله

خراج في طراف الخلا نومه قليل – ماهو بواحد طول عمره ماجزع صبله

يمسي مع ذياب الخلا يهذل هذيل – وارزاق ربك يوم تخرج تلتحق جزله

كم لي وانا رويك قتال القتيل – وانته مصلب لاسقى بختك ولا بله

يابوسين سودا على كتفه جديل – لا تقتلين الشيخ حتى لو وجب قتله

سالك بمن سوى لك الطرف الكحيل – واصلح عيونك من طرف لسبال للمقله

والقى جبينك مثل براق المخيل – لا لاح قدو الملح وتوسع على الرمله

والقى الخدود الصفر سبحان الجليل – من شافهن وطى النظر لا ينهبن عقله

ارحم خليلآ ما يرى مثلك خليل – كلمة رضى منك تنسيه التعب كله

اهل الوفا تستاهل الشرع الطويل – ومن قصر شرعه في احبابه قصر حبله

يالشيخ عيني كن فيها زنجبيل – تدمع ضحى والعصر يوم الناس في غفله

من ذكريات الامس جاريها يسيل – نهار لاقيته ولا في القلب له خصله

وقف تحداني على خط السبيل - وقال لي وقف حراوم اتدعس البقله

حاسب وحط الكبر عل القاع الجبيل – شف من تكبر اخرتها يخسر الجوله

وانا معلق بك وقلبي لك يميل – والسر خله بينا لاتظهره خله

وعاهدك مالك في الدنيا عديل – لو درت في طراف الجزيره واليمن كله

وادبر قفا حمالي الحمل الثقيل – والقى لبب ورتاج لا تتحرك الحمله

ذا ذي جرى يالشيخ ذي تقزل قزيل – ذي تحسب ان الوقت مطرف صابته سهله

سافرت من دنياه واعلنت الرحيل – تعبت مركوبي وانا رحله قفا رحله

حاولت ابا اتناساه بالشغل الشغيل – ولا قدرت انساه لونا خارج الدوله

وووووووووووووووووووووووووووووووووسلامتكم